Pizza Baby (Closed)

3號風球又唔想返屋企煮，成日經過呢條街，見到依間餐廳好特別，餐廳門口有兩個大BB公仔係出邊，好想入去試吓，其實系景峰站行五分鐘就到，非常方便！入到去環境好似去咗Cafe咁，餐具都非常特別好迎合BB主題，餐具好靚好精緻，睇嚟老闆花咗不少心機！枱、座位寛闊唔迫，入到去我好似變咗一個大BB咁，個餐牌設計都幾靚，我哋叫咗兩個晚餐set，羅宋湯配蒜蓉包，蒜蓉包香脆，羅宋湯都幾足料，叫左西班牙海鮮燴飯及是日精選pizza，Pizza係蕃茄雞肉芝士，好多芝士同埋芝士拉C，正，材料都幾足料，好多雞肉粒，值得一讚雞肉粒冇雪藏未，芝士夠多，加上茄汁配合薄批一流，個Pizza焗得香脆，蕃茄醬汁味道剛好不濃不淡，Pizza值得推介大家😍😍，有心製作！西班牙海鮮燴飯有兩隻大青口兩隻吉列炸蝦，仲有兩三粒魷魚筒，份量都幾多，餐飲熱檸水，嘩，一嚟到就見到着杯，好靚呀，pink colour ，一杯有成三片檸檬，正，滿足，好適合拍緊拖嘅情侶💑，上菜速度快，侍應非常細心，而家好少有呢啲鋪頭，用心製作