留白居酒屋 (Closed)

今日去到屯門紅橋嗰邊搵嘢食，見到一間居酒屋既餐廳散發著好香嘅串燒吸引之下，就決定去食佢🤤一入去就feel到一種好地道既居酒屋style，黃黃既燈加上一排排嘅酒，感覺上都幾舒服同fd傾下計😚 好耐無飲波子汽水！真係好似日本居酒屋~~當夜有啲寒涼，所以叫番個烏冬暖吓胃先，個烏冬湯非常之清，有蔬菜既甜味，有屋企感覺🤣炸豬排炸得好脆，又夠大塊，絕對係抵食之選😘另一個主食就叫咗牛肉飯，牛肉洋蔥份量夠，牛肉比坊間嗰啲嚟得厚身，感覺實在好多😜味道就比較咸啲，非常好送飯😂小食就叫咗炸物拼盤，分別有墨魚咀 魚手指同埋炸雞，墨魚咀就第一次食，感覺幾過癮，不過入面就好似冇乜味咁😗炸雞就非常出色，炸得好脆之餘入面仲非常juice😙魚手指就比較似魚蛋，𡁻𡁻吓啲魚味會慢慢滲出嚟，都幾令人回味😚嚟度點可以唔叫燒物，我哋都食肉類食到夠晒所以就決定嗌海鮮食😍蟶子皇名不虛傳，燒到啱啱好，有啲蒜茸牛油辣椒吊味下，蟶子既鮮甜味更加容易食到出嚟，令人難忘🤩燒倉魚就夠晒多肉，魚油亦都足夠，再自己加啲海鹽上面，值回票價🥰呢間餐廳仲有好多嘢想試，希望可以下次再同老死來聚聚😳😳