藍海灣 (Closed)

琴日下午行過見到啓豐商場新開嘅西餐廳， 光鮮企理，自己都唔太餓但又想試下，咁入咗去，點咗三樣嘢， 黑松露薯蓉，雞翼，蒜蓉包，同一杯即磨咖啡，咖啡都唔駛點多講，同出面Starbucks, Pacific Coffee 差唔多， 我個人重點放係食物方面。黑松露薯蓉：冇得彈，松露香味足，薯蓉有質感， 同出面果啲唔同， 同埋之前有睇其他食客嘅留言， 所以果斷嘗試，冇介紹錯。雞翼：香脆可口，肉汁豐富，即係外脆內嫩啦，個名我唔記得， 好似得一款雞翼，咸味、香味都啱啱好， 值得一試蒜蓉包：應該係自己掛住影相，放耐咗先食，都算脆，蒜香味有，但面包邊皮有小小燶。最後，後悔冇試到意粉，見到其他人點既意粉賣相都好靚，好有食慾， 下次行過一定要留肚嚟試下！