Dr. Italian Pizza & Pasta (Closed)

呢間小店係位於Go Go Mall一樓嘅food court裡面，店面貼左好多唔同嘅pizza相，好吸引。另外仲有介紹餐廳老闆兼大廚係曾經嚮中環法國餐廳同跟過米芝蓮二星大廚學藝嘅添!Food court佔左大半層，所以好多位坐，當然亦可以選擇外賣。今次我就係外賣自取嘅。餐牌裡面菜式選擇都好多，我就覺得果d幾人餐唔錯，set好曬只係選口味就得，好方便好適合朋友聚會點餐。2-3人餐（$130）包一個細批（8吋）、一個意粉、小食、湯/甜品/飲品（任選兩客）。呢個真係中學生價錢，好平。奇妙雞軟骨細細粒炸得脆，而且唔厚粉，咬落好爽口。千島夏威夷pizza好足料呀，有超多菠蘿、煙肉、粟米同火腿，芝士好多，攞到番屋企仲有拉絲效果，正呀。黑鬆露卡邦尼意粉成個餐最喜歡呢款食物，一打開盒就聞到濃郁嘅松露味，而且仲有好多煎過嘅煙肉，好香口。醬汁非常濃稠，可以緊緊掛嚮意粉上面，食落好滿足。草莓奶凍草莓味道較淡，奶味重，質地好滑，都唔錯。