Video
Read full review
2014-02-10
968 views
今日我同男朋友喺仁愛堂打完保齡，行返出西鐵站附近搵野食途中見到呢間TOMATO OTAMOT，見佢主打蕃茄幾特別，所以就決定入去試下喇！我地叫左個二人dinner set ($168)，有兩個前菜+兩個主餐+兩份甜品+兩杯飲品，好抵！首先黎左一碟串燒，有不過不失既雞翼，金黃既薯角，同埋好好味又多汁既煙肉車厘茄串！之後就有檸檬蜜糖脆脆豬，檸檬蜜糖隻味好特別，雖然都幾酸下，但幾醒胃，唔錯！再黎就係主餐，呢個係蕃茄濃湯漢堡扒出前一丁，個湯真係無得頂，好濃郁。我地食完啲面之後，仲飲埋啲湯。之後就係白汁西蘭花龍脷柳焗飯，裡面既飯用蛋炒起，所以好香好好味。食完主餐，就係甜品環節，首先係朱古力香蕉。香蕉應該有焗過，再加埋朱古力醬加cream，唔會過甜，好味！menu上第二個甜品本應係cheese cake，但waitress話今日冇cheese cake所以唔使加錢轉左心太軟俾我地。我同男朋友都好開心，因為我地都好鍾意食心太軟！呢個心太軟，賣相幾好。一切開個皮，裡面啲醬就好快咁流出黎，個流心造得好好！朱古力味好濃，除左朱古力味，好似仲有少少花生/nuts味。呢個心太軟係我最近食過黎講最impress
我地叫左個二人dinner set ($168)，有兩個前菜+兩個主餐+兩份甜品+兩杯飲品，好抵！
首先黎左一碟串燒，有不過不失既雞翼，金黃既薯角，同埋好好味又多汁既煙肉車厘茄串！
之後就有檸檬蜜糖脆脆豬，檸檬蜜糖隻味好特別，雖然都幾酸下，但幾醒胃，唔錯！
再黎就係主餐，呢個係蕃茄濃湯漢堡扒出前一丁，個湯真係無得頂，好濃郁。我地食完啲面之後，仲飲埋啲湯。
之後就係白汁西蘭花龍脷柳焗飯，裡面既飯用蛋炒起，所以好香好好味。
食完主餐，就係甜品環節，首先係朱古力香蕉。香蕉應該有焗過，再加埋朱古力醬加cream，唔會過甜，好味！
menu上第二個甜品本應係cheese cake，但waitress話今日冇cheese cake所以唔使加錢轉左心太軟俾我地。我同男朋友都好開心，因為我地都好鍾意食心太軟！呢個心太軟，賣相幾好。一切開個皮，裡面啲醬就好快咁流出黎，個流心造得好好！朱古力味好濃，除左朱古力味，好似仲有少少花生/nuts味。呢個心太軟係我最近食過黎講最impressive嘅一個！
最後我地一人一杯飲品，我要左杯蘋果汁，而我男朋友要左杯橙汁。不得不提，waitress可能見出面天氣凍，主動問我地杯飲品使唔使走冰，真係好貼心！
Post
