泓 (Closed)

好耐無食鐵板燒，收工忽然心血來潮想食，都十五十六唔知道有無位🥲好在都有，可以一解我條為食癮😂餐廳坐位唔多，一個爐，十個位左右，所以下次想試就book 定位穩陣呀。.同朋友每人點左個餐，都幾多野食，由沙律到飯後水果，好滿足。.先食個沙律開下胃，之後就有廣島蠔，師傅落左蔥同煙肉碎，十分惹味。.隨後就到銀鱈魚，肉質嫩滑，好香魚油.再來就係西冷，叫左七成熟，食埋四件真係非常滿足，炸蒜係無敵🤩.食完肉又食下菜，壓軸就係炒飯，睇住師父一路炒一路聞到好香🤤加埋大量蔥花，香噴噴而且炒得好乾身，再飲埋碗味噌湯就真係捧住個肚。.最後就飯後果，好在有菠蘿解下膩👍🏻滿足晒。