其味煮意 (Closed)

瘦編今日同屋企人黎到屯門買野，當然都要係附近搵食啦，平時多數係V city，今次特別啲，去到另一邊，悅品酒店後面嘅工業大廈，試下依間平民食堂「其味煮意」。👍🏿-依間餐廳位置係一間工業大廈嘅1樓，鋪位都幾大，裝修比我嘅感覺好乾淨整潔，同屋企人黎食野可以坐得好舒服唔會太迫。餐牌有好多選擇，普通嘅午餐set平均$50左右，岩哂附近嘅打工仔。我同屋企人就試下升級套餐，美國安格斯西冷牛扒5oz同煎封三文魚柳。牛扒脂肪分佈平均，唔會太肥膩，肉質嫩滑，帶有少許咬口，牛肉味道香濃，非常有驚喜。三文魚唔會有雪藏味肉質結實，煎得岩岩好，唔會太乾身，食落仲有啲肉汁。雖然只係小店，但係食材絕無馬虎。配料都唔錯，薯角同茄子新鮮炸起，好好食！🥰-同老闆傾落計，知道原來佢地都係疫情下開業，餐廳堅持唔落味精，用料都好有要求，食客絕對可以安心食用。另外仲試埋佢地嘅下午茶熱狗餐，勁好食！條熱狗腸一咬即刻爆肉汁出黎，新鮮炸起雞翼都好吸引，唔會炸過龍。如果我係附近做野，應該會成日引唔住食佢地嘅下午茶餐。😆-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 其味煮意 (屯門)📍