Video
Read full review
2023-06-24
936 views
屯門隱世日式居酒屋🍣親民價高質omakase menu🎏🏮鮨亭 (屯門)邊個話食omakase/高質既日本菜要去到出面⁉️今次同朋友嚟到屯門，朋友介紹咗哩邊有一間好好食既隱世日本菜，餐廳唔講唔知，係車房既後面，餐廳都算大間，門口掛滿日本食肆會見到既燈籠🏮用上木系居酒屋形式設計😙餐廳仲有好多打卡位📸鍾意既仲可以坐係bar枱，睇住廚師整壽司🤪一入到去已經好期待啦🤩值得一讚，店員笑容好親切，仲好有禮貌🤗上菜速度又快，朋友介紹得無錯，留下咗美好既回憶，好似去咗日本咁🤭✨和風6格 $686款前菜日日不同，今日有牛榜 、蒜子、螺肉、明太子沙律、生芥末八爪魚 、八爪魚🐙日本漬物醃漬得好惹味，非常開胃🤭酸酸甜甜好爽口🤗蒜子 — 爽脆得嚟甜甜地生芥末八爪魚🐙 — 芥末味適中，好有咬口，好滑溜明太子沙律 — 喺口度爆開「卜卜卜」，夠曬有趣，好惹味～✨山田灣岩蠔🦪 $75@1生蠔大大隻‼️仲好飽滿😍海水味較啖，好易入口，好鮮甜🥹好滑溜！超級新鮮～入口好似啫喱咁滑溜，好清新，配上甜甜柚子豉油更能增加鮮味👍🏻真心咁既價錢覺得好良心價，質素超值🥹✨精選火灸壽司9件（廚師發辦）$268到咗我地最期待既廚師發辦9宮格壽司
🏮鮨亭 (屯門)
邊個話食omakase/高質既日本菜要去到出面⁉️今次同朋友嚟到屯門，朋友介紹咗哩邊有一間好好食既隱世日本菜，餐廳唔講唔知，係車房既後面，餐廳都算大間，門口掛滿日本食肆會見到既燈籠🏮用上木系居酒屋形式設計😙餐廳仲有好多打卡位📸鍾意既仲可以坐係bar枱，睇住廚師整壽司🤪
一入到去已經好期待啦🤩值得一讚，店員笑容好親切，仲好有禮貌🤗上菜速度又快，朋友介紹得無錯，留下咗美好既回憶，好似去咗日本咁🤭
✨和風6格 $68
6款前菜日日不同，今日有牛榜 、蒜子、螺肉、明太子沙律、生芥末八爪魚 、八爪魚🐙日本漬物醃漬得好惹味，非常開胃🤭酸酸甜甜好爽口🤗
蒜子 — 爽脆得嚟甜甜地
生芥末八爪魚🐙 — 芥末味適中，好有咬口，好滑溜
明太子沙律 — 喺口度爆開「卜卜卜」，夠曬有趣，好惹味～
✨山田灣岩蠔🦪 $75@1
生蠔大大隻‼️仲好飽滿😍海水味較啖，好易入口，好鮮甜🥹好滑溜！超級新鮮～入口好似啫喱咁滑溜，好清新，配上甜甜柚子豉油更能增加鮮味👍🏻真心咁既價錢覺得好良心價，質素超值🥹
✨精選火灸壽司9件（廚師發辦）$268
到咗我地最期待既廚師發辦9宮格壽司🍱日日都唔同，全部都灸燒過～今次有拖羅、饅魚🐟、蝦🦐、八爪魚🐙、三文魚🍣等等，每件灸燒得後都勁香🥹令壽司既油脂香更出，令口感層次更豐富，更有風味👍🏻每一款所選既壽司都好適合灸燒，魚壽司更加係入口即溶🥰
🍣拖羅 — 灸燒過過更香，滿滿既油脂味，入口即溶，好滿足😍😍😍
🍣八爪魚 — 灸燒過既八爪魚變得更彈牙，有咬口，八爪魚味更香濃😋
🍣鰻魚 — 比起平時食既更厚肉，比較大件，饅魚汁好鮮甜，灸燒過更香🥰
🍣三文魚 — 入口即溶，滿滿既油脂香配上溶化既芝士，組合好讚😍
✨雜錦天婦羅 $108
天婦羅即叫即炸，色澤金黃，一睇就知道啲油好新鮮😍
🍄東菇 — 好腍滑，估唔到炸完後仲充滿水份👍🏻
🍤炸蝦 — 非常厚肉，大大隻，肉質彈牙，好鮮甜，炸蝦金黃酥脆香噴噴😋
✨博多牛肉烏冬 $98
用上一粒粒肥瘦相間既牛肉塊，同出面普通用肥牛一片片既唔同🐮牛肉味特別香濃，牛肉粒煮得超腍滑，仲好入味😆手打烏冬好煙韌，麵條味特別香，湯底更加鮮味，滿滿濃縮精華，好鮮甜又唔油膩😙
✨青蘋果梳打🍏
青蘋果梳打口感清爽，味道濃郁，甜度適中
✨柚子梳打
用上柚子醬，酸酸甜甜，解膩一流，口感清爽，有氣飲品充滿夏日氣息⛱️☀️
食物✨✨✨✨✨
環境✨✨✨✨✨
衛生✨✨✨✨✨
價錢✨✨✨✨✨
🏠 鮨亭 (屯門)
屯門青善街22號康景花園地下3-4號舖
Post
