壹號餐廳

Open Now

Now Closed

放假係屋企冇野做，宜家天氣又熱又曬，又唔想行街，係屋企hea下hea下覺得肚餓呀！同媽媽落去壹號餐廳食午飯，我哋食到連D餐廳伙記到認得我哋。餐廳位於屯門青善街4號康景花園地下12-24號舖。餐廳入面乾淨企理，空間好大，光線充足，座位亦好舒服。叫左吉列豬扒飯，即炸的吉列豬扒大大塊，炸到金黃色，新鮮熱辣，香脆可口。豬扒完全遮住個飯👍配上微辣濃郁的咖喱汁，好香咖喱味，食光一啖再一啖。好好味！又叫左原條鰻魚滑蛋飯，呢個飯份量好大，完全係蛋包飯咁的概念。柔軟的燒汁原條鰻魚配滑滑的雞蛋，已經係完美的配搭，佢仲要用滑蛋包著飯，淋上燒汁，上面再放條大大條的鰻魚，灑上芝麻和紫菜，淨係見到已經吸引！