彩虹煮意 (Closed)

呢間就喺我屋企附近，對我嚟講超方便。但唔太熟屯門或者置樂嘅話可能都要啲時間搵個位置，佢喺置樂天橋下面，間鋪門口同裡面係非常細，淨係坐到啱啱10個人左右，所以長期爆人，要食就建議早啲walk in ，同埋啲嘢食有時都要等吓，趕時間就唔太建議入嚟呢間食，不過嘢食係唔錯。首先跟餐嘅牛舌沙律，牛舌好厚，煎得好香。之後主菜係蕃茄海鮮燴飯，份量幾大，仲整到熱辣辣，好多海鮮。