小曼谷泰國菜館

Open Now

Now Closed

又一間屹立多年既屯門泰菜，由細鋪搬大鋪，門口總係見到人山人海。價錢咁多年都無乜點變，CP極高，店內職員幾乎都係泰國人但正唔正宗就見仁見智。有人專誠揸車入屯門一試亦有人覺得唔洗排隊都唔食。我個人覺得ok，因為食既都係回憶。以前同班同學打完波都會食返餐，銀彈唔多，呢度經濟實惠，岩曬學生哥們！今次兩個人食個lunch. 叫到一枱都係⚫️Lunch 限定，海南雞飯仲配幾片蠟腸，好送飯呀🤣重點係個汁⚫️鳳爪沙律～酸酸甜甜而且都幾辣，開胃小食⚫️炭燒豬頸肉～都厚厚一片架⚫️柚子沙律～充滿椰糖味，柚子唔係碎濕濕⚫️沙嗲串燒～似係炸多過燒，沙嗲汁偏稀身⚫️春卷～就係普通春卷，下次可以唔叫不過呢個價錢，無得投訴啦。