Video
Read full review
2023-11-29
1071 views
天氣涼涼哋就係要打邊爐食雞煲！🔥最近虹橋又開咗間食雞煲，不過就唔似對面嗰間有得任食，反而係逐碟叫。🥢雖然單價比較貴，但食物質素、環境同服務都好好多，所以呢幾晚都特別多人！其實再來一煲喺元朗開過嚟，聽聞都幾出名。雖然係小店，不過都幾大幾光猛，冷氣都好足，唔怕食到一陣味！🤪而最值得讚就係服務，店員竟然會不時幫客人隔走鍋面嘅油，又快手又乾淨，平時啲港式雞煲店好少會咁做呢！食物方面主打一定係雞煲🐥，亦可以就咁打邊爐或者食烤魚🐟，食材就有手切牛、豬肉片、丸類等等。比較特別嘅係，有生醃海鮮供應，老闆以秘製醬料生醃廣島蠔、阿根廷紅蝦、三文魚同帆立貝，我就唔多敢食，不過見現場都唔少人點㗎！🐓招牌魔鬼雞煲 $198作為招牌，呢個雞煲用咗祕方去整，今次叫咗唔辣，但依然好惹味！少少嘅麻，加上濃郁偏甜嘅雞煲醬，食到唔停口！半隻雞嘅份量好多肉，鍋入邊仲有啲豆角同蔥蒜芹，好香好入味！🥩牛魔王拼盤 (例牌) $348無肉不歡嘅我，打邊爐又點可以無牛！呢度除咗手切肥牛，仲有個牛魔王拼盤，一碟有 6種牛，加埋牛丸，兩個人食到超飽！當中嘅安格斯牛小排油花好豐富，厚薄適中，入口輕咬即化，而新鮮滑牛加上生雞蛋又滑又軟腍。最正
其實再來一煲喺元朗開過嚟，聽聞都幾出名。雖然係小店，不過都幾大幾光猛，冷氣都好足，唔怕食到一陣味！🤪而最值得讚就係服務，店員竟然會不時幫客人隔走鍋面嘅油，又快手又乾淨，平時啲港式雞煲店好少會咁做呢！
食物方面主打一定係雞煲🐥，亦可以就咁打邊爐或者食烤魚🐟，食材就有手切牛、豬肉片、丸類等等。比較特別嘅係，有生醃海鮮供應，老闆以秘製醬料生醃廣島蠔、阿根廷紅蝦、三文魚同帆立貝，我就唔多敢食，不過見現場都唔少人點㗎！
🐓招牌魔鬼雞煲 $198
作為招牌，呢個雞煲用咗祕方去整，今次叫咗唔辣，但依然好惹味！少少嘅麻，加上濃郁偏甜嘅雞煲醬，食到唔停口！半隻雞嘅份量好多肉，鍋入邊仲有啲豆角同蔥蒜芹，好香好入味！
🥩牛魔王拼盤 (例牌) $348
無肉不歡嘅我，打邊爐又點可以無牛！呢度除咗手切肥牛，仲有個牛魔王拼盤，一碟有 6種牛，加埋牛丸，兩個人食到超飽！當中嘅安格斯牛小排油花好豐富，厚薄適中，入口輕咬即化，而新鮮滑牛加上生雞蛋又滑又軟腍。最正係牛白，睇落似肥膩，但口感爽脆，油香十足！
🫓0.03紙豆腐 $32
紙豆腐食法真係超搞笑，放喺火鍋面吸晒啲精華，超級惹味！
🍍勁菠蘿沙冰 $48
菠蘿沙冰好大飲，甜度適中，送雞煲一流！
Post
