韓米 (雅都花園商場) (Closed)

自從晚上禁左堂食之後, 漸漸地三餐都多數外賣返屋企，要搵一個好食既外賣都唔容易，今日就發現gogo mall有一間新既小店 - 韓米。食韓國野點小得我最鐘意既紫菜卷，另外仲叫左韓式牛肉拌飯，韓式青瓜以及雞翼，依幾款小食入面我自己最鐘意就係韓式青瓜，偏酸唔太辣非常開胃，再配埋手卷同拌飯，非常之咁夾，手卷都卷得好實淨，唔會一夾就散，用料都豐富，啖啖都食到唔同既配料，拌飯份量都幾多，男士們做lunch最好不過。雞翼方面配有自家製既辣醬，外表脆但內裡依然保持肉汁，終於可以搵到一間好味既韓國小店啦！