建榮特色桑拿菜火鍋店

Open Now

Now Closed

平日去順豐經常經過呢間大排檔，趁今日星期五就和同事一齊過嚟食返餐好嘅。見好多都係一家大細或者係一班朋友一齊黎，好熱鬧同埋好有地方特色。呢間餐廳比我想像中乾淨，碗碟一d都唔油膩。見到唔少人食蒸氣火鍋不過我哋就揀食小菜。椒鹽九肚魚炸得非常脆口，而且入口即化，軟綿綿好水潤，加埋炸得好香口既蒜頭粒，簡直係絕配。今日特登叫咗一個蒜蓉豆豉蒸白鱔。鱔肉加埋蒜蓉豆豉汁和蔥，非常惹味，配白飯就最夾。西蘭花炒蝦球超級大碟。蝦球非常大粒同埋彈牙，唔係一般雪藏貨。西蘭花同埋青紅黃椒都好爽甜，炒好之後都仍然非常翠綠可口。整體來講CP值超高，下次放工之後都可以再食。