Video
Read full review
2024-04-30
9 views
叄壽司凍肉專門店每星期總有幾日喺元朗針灸，最近聽聞屯門有一間壽司店好多人介紹，針灸完我又唔執輸去咗屯門買嚟試試，你將壽司店主要以外賣為主，我揀完想食咩之後，雖然舖頭細細，輪椅入唔到去，但店員主動幫我落單，佢哋好快手，等咗大約十分鐘已經拎得走，呢間壽司店除咗壽司刺身拉麵烏冬等，仲有雞煲、羊腩煲、盆菜、凍肉等，仲有仲有好多日韓台代購，例如日本人氣名古屋蝦片、NY Cheese餅乾都有，簡直係一店入面包羅萬有！最後拎住外賣袋去咗附近一個公園坐低，慢慢享用呢個抵食午餐，食刺身一定要新鮮食，去附近公園食就最好啦！1.汁燒豬軟骨飯$50（9/10）呢個汁燒豬軟骨飯個汁唔咸，個汁調得好好味，豬軟骨都好入味，軟骨夠軟，咬落「卜卜聲」，豬軟骨都有7舊，仲有一隻溏心蛋，飯嘅份量都唔少，好好味！2.日式豬骨湯烏冬 配竹筍、紫菜、櫻花蝦、粟米粒、木耳絲、鳴門卷同蔥$35+炸蝦（2隻）$15+溏心蛋$12（8/10）呢個烏冬大大碗，烏冬掛汁彈牙，配料又勁多，櫻花蝦令到豬骨湯底勁香，我再加兩隻炸蝦同溏心蛋，炸蝦炸得好脆，炸粉好薄，隻蝦鮮甜彈牙，溏心蛋勁滑勁香，咬落去仲流到心，煮得好入味！3.吉列炸蠔卷$50（7.
每星期總有幾日喺元朗針灸，最近聽聞屯門有一間壽司店好多人介紹，針灸完我又唔執輸去咗屯門買嚟試試，你將壽司店主要以外賣為主，我揀完想食咩之後，雖然舖頭細細，輪椅入唔到去，但店員主動幫我落單，佢哋好快手，等咗大約十分鐘已經拎得走，呢間壽司店除咗壽司刺身拉麵烏冬等，仲有雞煲、羊腩煲、盆菜、凍肉等，仲有仲有好多日韓台代購，例如日本人氣名古屋蝦片、NY Cheese餅乾都有，簡直係一店入面包羅萬有！
最後拎住外賣袋去咗附近一個公園坐低，慢慢享用呢個抵食午餐，食刺身一定要新鮮食，去附近公園食就最好啦！
1.汁燒豬軟骨飯$50（9/10）
呢個汁燒豬軟骨飯個汁唔咸，個汁調得好好味，豬軟骨都好入味，軟骨夠軟，咬落「卜卜聲」，豬軟骨都有7舊，仲有一隻溏心蛋，飯嘅份量都唔少，好好味！
2.日式豬骨湯烏冬 配竹筍、紫菜、櫻花蝦、粟米粒、木耳絲、鳴門卷同蔥$35+炸蝦（2隻）$15+溏心蛋$12（8/10）
呢個烏冬大大碗，烏冬掛汁彈牙，配料又勁多，櫻花蝦令到豬骨湯底勁香，我再加兩隻炸蝦同溏心蛋，炸蝦炸得好脆，炸粉好薄，隻蝦鮮甜彈牙，溏心蛋勁滑勁香，咬落去仲流到心，煮得好入味！
3.吉列炸蠔卷$50（7.5/10）
呢個吉列炸蠔卷一共有4舊，每一舊入面都有青瓜絲同炸蠔等，面上仲放咗好多蟹子同沙律醬，呢個有d似加州卷，但將炸蠔放喺入面都係第一次試，唔錯！
4.牛油果三文魚沙律（麻醬）$58(9/10)
呢碗牛油果三文魚沙律份量非常多，牛油果估計足一舊，佢哋切片鋪上，牛油果非常新鮮，三文魚刺身切粒，仲有青瓜絲蘿蔔絲等，另外佢哋好細心，將麻醬分開放，比食客自己倒落去！
5.芝士玉子燒（全份）$55（9.5/10）
呢份芝士玉子燒真係好大份，全份一共有8舊芝士玉子燒，甜甜地嘅玉子燒再加埋淡淡芝士香，仲食到蛋香，食幾舊已經飽死啦！
6.三文魚壽司$32（9.5/10）
呢個三文魚壽司一共有3舊，塊三文魚刺身好厚切，食落好新鮮，好肥美！
7.香蔥吞拿魚腩壽司$48（9/10）
呢個香蔥吞拿魚腩壽司一共有3舊，壽司有香蔥食落非常香同清新，吞拿魚腩係切粒，好好食！
2人總共價錢$355
個人口味總評分：9.64/10
@face_to_face_2134
地址：屯門青翠徑9號多寶大廈上層34號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#叄壽司凍肉專門店 #屯門 #屯門好去處 #相機食先 #香港美食 #屯門美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
