Video
Read full review
2024-04-22
115 views
放工經過見到紅橋開咗間新嘅西餐🥂，以前呢條街有間貓cafe同茶餐廳，夜晚靜到6折都無人食🍝，呢間竟然星期二晚都full house真係好難得，一於入去睇睇有咩個人之處！💡餐廳裝修得好華麗典雅，以墨綠色、金色、黑色為主調，室外有梳化，而室內有水晶吊燈同拱形酒櫃、調酒區及吧枱，配埋大理雲石枱同梳化卡位，好有品味！🍾今次去到仲有歌手Live Music🎶，加上柔和嘅燈光，超有氣氛！😍有個錯覺，唔知以為去咗鰂魚涌，而唔係屋企附近嘅餐廳！其實區內都有好幾間酒吧同西餐，但除咗BYOB長期多人之外，其他都唔算多人，我諗呢間嘅其中一個優勢應該係室外位近馬路🚗，可以泊車，就算呢排成日抄牌，都走得切！加上室外位又歡迎寵物🐶，好啱屯元天嘅狗主嚟搵食！價格方面算中上，不過性價比都高，lunch menu 百幾至兩百一個set，而晚餐主菜都係差唔多呢個價，扒類大概三百至五百左右，但食物都大份，而且整體幾好食😋，甜品更加有意外驚喜，有酒店級甜品水準呢！🍷酒吧當然有唔少嘢飲，不過今次只係打算放工食個飯就返屋企，就唔飲嘢了，下次可以約friend chill下～🍞餐包 Free好似啲高級西餐咁，點餐後會送上兩款餐包，
💡餐廳裝修得好華麗典雅，以墨綠色、金色、黑色為主調，室外有梳化，而室內有水晶吊燈同拱形酒櫃、調酒區及吧枱，配埋大理雲石枱同梳化卡位，好有品味！🍾今次去到仲有歌手Live Music🎶，加上柔和嘅燈光，超有氣氛！😍有個錯覺，唔知以為去咗鰂魚涌，而唔係屋企附近嘅餐廳！
其實區內都有好幾間酒吧同西餐，但除咗BYOB長期多人之外，其他都唔算多人，我諗呢間嘅其中一個優勢應該係室外位近馬路🚗，可以泊車，就算呢排成日抄牌，都走得切！加上室外位又歡迎寵物🐶，好啱屯元天嘅狗主嚟搵食！
價格方面算中上，不過性價比都高，lunch menu 百幾至兩百一個set，而晚餐主菜都係差唔多呢個價，扒類大概三百至五百左右，但食物都大份，而且整體幾好食😋，甜品更加有意外驚喜，有酒店級甜品水準呢！🍷酒吧當然有唔少嘢飲，不過今次只係打算放工食個飯就返屋企，就唔飲嘢了，下次可以約friend chill下～
餐包
26 views
0 likes
0 comments
好似啲高級西餐咁，點餐後會送上兩款餐包，熱辣辣又鬆軟，牛油有特別嘅味，幾好！
西班牙伊比利亞黑毛有骨豬扒
$198
17 views
0 likes
0 comments
西班牙伊比利亞黑毛有骨豬扒
$198
31 views
0 likes
0 comments
呢排鍾意咗食伊比利亞豬😋。呢塊幾厚幾大塊，外層烤出格紋，散發微微焦香，配埋迷迭香，色香味齊晒！豬扒肉質鬆化，油而不膩，肉味濃郁有淡淡甘香。幼薯條唔算油，薯蓉有粒粒洋蔥，口感豐富又清新！
燒老虎大蝦扒及意式蕃茄醬配扁意粉配BB菠菜
$148
428 views
0 likes
0 comments
兩大隻老虎夠吸睛！肉質彈牙，而且煎得唔乾又香口。而意粉軟硬適中，蕃茄味幾出，偏酸，好開胃！
LUMOS甜品拼盤
$168
30 views
0 likes
0 comments
LUMOS甜品拼盤
$168
12 views
0 likes
0 comments
見menu寫8款甜品都係百幾蚊，實在太吸引，絕對係必叫！迷你檸檬蛋白撻、紐約芝士餅同馬卡龍等一啖一件，擺盤又精緻，樣樣都有唔同嘅口感同味道，誠意滿分！當中焗玉桂蘋果脆金寶熱辣辣又甜又脆口，好好食！
店員都好後生，有禮貌👍🏻！屯門嚟講，得一兩間做到呢種有裝修、有氣氛，有服務，食物又高質嘅餐廳了！不過開喺呢個位，真凳佢有啲擔心～哈哈～
燒老虎大蝦扒及意式蕃茄醬配扁意粉配BB菠菜
$148
19 views
0 likes
0 comments
Post
