Seoul Bite (金銘大廈) (Closed)

景峰紅橋嗰邊出名多野食，上次朋友帶我去終於唔係食米線😂。有選擇困難症揀唔到食咩所以叫左雙拼炸雞，$148都幾抵😍。叫左外賣即叫即炸，等一陣就拎得，外賣去朋友到食都未焗到腍。🔅甜辣炸雞(無骨)炸雞份量好多，成個盒滿晒😍，炸雞好脆，粉唔厚，雞都算嫩。鐘意佢每舊雞唔會好大舊，好方便食😬。韓式甜辣醬都撈得好勻，又唔會太多醬令炸粉腍晒👍🏻。🔅香蒜醬油炸雞(無骨)食親韓式炸雞都好鐘意揀香蒜醬油😚，所以呢次都試下。醬油味香，加埋蒜片更惹味。💬3個人share食2盒都夠晒飽，食完都唔會覺得好膩，所以拖延症第一篇分享都未打完就已經食第二次😂。