鮨叄 (順利商場)

Open Now

Now Closed

APM食嘢真係比較貴，小編就選擇係觀塘市中心 、APM往北行走到山上，有條順利邨，原來有間細細間嘅居酒屋！雖然係條老邨到，但舖頭裝修一啲都唔老！以為會好多人，入到嚟人流並唔係太多！舖頭比我想像中細！但坐得都舒服嘅，服務態度都良好！今日叫咗四件軍艦同埋一個小卷！紫菜就好夠脆，整體食材都新鮮！八爪魚唔太腥，蟹子都新鮮，唔似雪左好耐！龍蝦沙律亦都唔差！都好食嘅！蟹膏雖然比較普通，但係價錢都好合理！亦有蟹味！可以合格！仲有叫咗個三文魚卷，三文魚就都算新鮮！配咗少少酸薑！酸薑就真係唔係好夠酸！佢只係一個配角，冇所謂啦！跟住送咗個麵豉湯，放咗三文魚骨落去煲，飲嗰時要小心啲，有時會有啲碎骨出咗嚟！雖然比較清淡，但係都對健康有益！估唔到會係呢啲屋邨搵到呢啲小店！今次用餐愉快，有機會可以再上嚟食多次！