十三少 (Closed)

餐廳裝潢骨子整潔，以一間川菜館嚟講地方相當精緻，最重要嘅係佢係收緊平民嘅價錢，就有咁精緻嘅裝修，讚。涼拌皮蛋，味道酸中帶甜，伴隨著面頭少量嘅生蒜蓉、香蔥同埋辣椒碎同吃，非常開胃。口水雞，口水雞表面佈滿芝麻，細看之下仲發現啲芝麻經過微微炒香，足見餐廳喺細節上嘅用心；味道係正宗嘅川式風味，辣度揀咗中辣，對我嚟講恰到好處，如果啲雞肉能夠做得再嫩滑一啲相信會更加好。水煮魚，水煮魚上枱好有氣勢，大大一盤，裏面嘅魚肉為數不少，口感極度滑溜，紅薯粉索盡湯汁，沒有不好吃的理由。