Video
Read full review
2007-08-17
10 views
上次去食過魯一居之後, 我返來都有寫食評, 禽晚又去食, 返來本來又想寫一寫, 但見到大家好似唔多了解山東菜, 不如等我呢個正宗山東人同大家分享下我識既皮毛呀... 魯菜係中國八大名菜之一, 照我亞爺所講, 點解可以做到八大名菜之一呢? 係因為古時, 北京大多數既御廚都係來自山東的, 到依家煙台福山都係出名廚既好地方, 所以京魯菜好相似, 而部份京菜更加係由魯菜而演變過來的... 最出名既就係全聚德烤鴨就係來自山東的.依家介紹下我由細食到大既山東菜... 1. 我最鍾意0既係山東手撕雞, 醃過夜, 再炸, 再蒸, 再要等到佢凍左先食得... 亞媽話好煩, 所以好少整. 所以大多數都係過節先有得食... 一係就出街食…2. 豬蹄凍(即係大家所講既洧肉), 晌屋企整既緊係冇咁靚啦, 煮好後, 成盤擺落雪櫃, 結成0者0里就食得, 但煮既過程又係好煩, 亞媽又係懶得就懶... 過節咪整一大盤俾我地過下癮囉. 3. 講下湯呀... 山東人唔會好似廣東人咁煲老火湯, 但會將好多料擺埋一齊整成湯菜, 所以就有鴨骨湯啦, 又或者呢d就係山東人既節儉習慣啦... 4. 講起山東菜, 因為大多數地方都沿
魯菜係中國八大名菜之一, 照我亞爺所講, 點解可以做到八大名菜之一呢? 係因為古時, 北京大多數既御廚都係來自山東的, 到依家煙台福山都係出名廚既好地方, 所以京魯菜好相似, 而部份京菜更加係由魯菜而演變過來的... 最出名既就係全聚德烤鴨就係來自山東的.
依家介紹下我由細食到大既山東菜...
1. 我最鍾意0既係山東手撕雞, 醃過夜, 再炸, 再蒸, 再要等到佢凍左先食得... 亞媽話好煩, 所以好少整. 所以大多數都係過節先有得食... 一係就出街食…
2. 豬蹄凍(即係大家所講既洧肉), 晌屋企整既緊係冇咁靚啦, 煮好後, 成盤擺落雪櫃, 結成0者0里就食得, 但煮既過程又係好煩, 亞媽又係懶得就懶... 過節咪整一大盤俾我地過下癮囉.
3. 講下湯呀... 山東人唔會好似廣東人咁煲老火湯, 但會將好多料擺埋一齊整成湯菜, 所以就有鴨骨湯啦, 又或者呢d就係山東人既節儉習慣啦...
4. 講起山東菜, 因為大多數地方都沿海(起碼我鄉下係海邊), 所以好多(食送)都有海產... 另外, 山東出好多蔬果, 所以菜類都好俾利用晌山東菜入面, 但最主要呢, 山東人係以麵食為主, 麵條, 包, 餃子…唔係咁多(食送)食…
5. 麵條…最主要係分撈麵, 好似炸醬麵, 混拌(好似咁上下叫法), 再分就係湯麵啦, 有肉碎(好似擔擔麵咁上下), 海鮮, 菜呀, 就咁幾條蔥開湯又得, 空間好廣…豬肉渣加幾條蔥既麵係我既最好…
6. 包子…就分發麵包子(最出名既就係山東大包)…即係個皮經過發酵的包子, 用料又係同麵條差唔多, 空間好廣, 肉類(類似天津最出名既狗不理包子, 不過山東人叫排骨包, 口味都唔多一樣), 海鮮類, 菜類, 木耳呀, 乜都得…另外就係湯麵包子(最出及既算係類似小籠包既湯包仔), 即係個皮用熱水開的…猜下就即時可以用來整湯包仔…呢個大多數係用來整肉包的, 牛肉, 豬肉, 羊肉, 驢肉…蒸出來有湯0既…
7. 餃子…呢個係大多數山東人既至愛…煎來食又得, 水煮又得, 蒸又得…睇報紙話魯一居既廚師係正宗山東人, 所以我地全家人對佢既餃子要求都特別高…好彩食過都過關, 起碼最”煙尖”既亞叔冇出聲踩呀…哈!
講咁多…唔係想話之前大家講得唔0岩…而只係覺得其實山東菜又好, 北京菜, 上海菜, 天津菜, 大家既食物都差唔多…只係口味有唔同, 就好似上海菜咁, 佢既口味對我地山東人來講就會覺得偏甜, 而京菜既口味就同我地好接近囉, 所以以前香港冇山東菜時, 我地個個星期都去食京菜, 因為亞叔要食餃子嘛…
個人意見呀…如果一間餐廳食古不化, 千篇一律…咁我地做食客0既, 都唔會再想去第二次啦…所以做為一個山東人, 覺得魯一居以山東菜做主打, 再按香港人既口味做出好既變化, 我個人覺得可以接受…所以我地會keep 住去食家鄉菜.
Post