Nathanhouse (Closed)

經過山林道望見有間室外有壁畫，佈滿花花，感覺高貴既餐廳。店內面積不大，但樓底夠高，唔會侷促，黑紅主色裝潢，感覺型格/奢華。🍞餐包坐底無耐侍應就奉上自家製餐包，有好幾款麵包，可沾上牛油、黑醋、橄欖油。🌽日本粟米忌廉濃湯，意式栗米雪糕，脆片$118見到好多人都飲龍蝦湯，但我見到餐牌上有湯加雪糕，好奇心下要試下。忌廉濃湯味道香甜，新鮮粟米粒味道清甜，加上栗米雪糕，冷熱交替，感覺好特別，脆片也很好味。🍴忌廉菠菜薯粉，拉可雷特芝士 ＄98芝士質地平滑，融化於菠菜上，十分美味。🍴燉澳洲羊膝配焗雜菜 $248 羊膝軟腍汁豐，啖啖肉帶香，醬汁鮮甜好入味，底層仲有大量薯仔同椰菜仔。🍴香煎甘鯛魚，燒椰菜花。南瓜海膽汁 $268做法用左「立鱗燒」，特點係連同魚鱗一齊煎烤，達至外脆內軟既效果。甘鯛魚炸至外皮金黃酥脆，外層鬆化，而魚肉卻十分嫩口。🍴漂浮島玫瑰荔枝芭菲，黑加侖子芭菲，紅桑子芭菲，香草乳酪凍湯 $138漂浮島個名都好夢幻，將蛋白漂浮係乳酪凍湯上，蛋黃係芒果味，蛋白霜滿鬆軟綿柔，入口即化。另外亦有三款唔同口味既芭菲有玫瑰荔枝、黑加侖子、紅桑子，酸甜清新。