The Frequency (Changed Hand) New Restaurant

今日嚟到佐敦，去到山林道其實美食林立，左右隔離其實都好多嘢食，但係有一間特別吸引我嘅餐廳，就係呢間望落十分吸引，入邊裝修美輪美奐嘅餐廳。事不宜遲，先睇吓個前菜係啲乜嘢。牛頰肉芝士薯條：平時喺麥當勞食薯條，如果唔係貪佢平，基本上都唔會食，因為一來冇乜薯仔喺入邊，而且口感好差。但係呢度嘅薯條除咗咬口十足，口感一流，仲要新鮮熱騰騰，上邊有芝士同埋牛肉， 100分。香煎帶子青醬野菌香草意粉：晚餐裏面，雖然全部都好吸引，但係見到隔離枱，覺得最吸引都係我揀呢個意粉。佢嘅橄欖油配合意粉，令到食落口唔會痴着個口，而且賣相一流，打卡影相當然唔少得。帶子嘅配菜就中規中矩，同平時出邊食到嘅差唔多。90分法式焦糖燉蛋：超級好食，同出邊某一間T字頭嘅甜品買嘅焦糖燉蛋比起上嚟一啲都唔遜色！十分之有驚喜， 100分沙律和飲品：賣相幾特別，食落飲落都OK，唔使加錢算係咁啦。晚餐閑閑哋每人1~200蚊就預咗㗎啦，所以今日帶大家嚟一間即使係紀念日子你食都唔失禮你嘅伴侶嘅一間性價比好高嘅餐廳。希望大家睇完之後去食下。