Nathanhouse (Closed)

行過山林道見到間隠世西餐廳，外面裝修用紅黑配搭幾特別，見落雨就入去食嘢。聽朋友講呢間就係前四季酒店大廚譚大民加盟主打時令海鮮及精緻下午茶嘅Nathanhouse。午市有頭盤+主菜+飲品我叫咗鮮果盤+印尼炒飯+凍檸水$130老公係蕃茄濃湯+牛扒+咖啡$200鮮果盤係俾呀女食，食物黎之前有麵包 濃湯係新鮮蕃茄茸，加咗少少香草成個湯好有口感。接住落黎，印尼炒飯隻炸雞腿係岩岩炸起仲熱嫁，成個口味唔會好醎，食完無口乾嘅感覺，而蝦仁喺飯嘅下面，清清楚楚食到蝦仁同飯，唔會一齊擺入口好似楊洲炒飯咁。而我比較期待老公嘅牛扒，份量比較少，但肉質好好，味道唔錯！5成岩岩好，黎遠已經聞到牛肉嘅香味。而杯咖啡亦無令人失望因為老公話好好飲。