Video
Read full review
2016-10-14
5527 views
呢排經常都去尖沙咀嘅柯士甸道又或者山林道食嘢，發現呢度其實都好多嘢食，中西日韓泰，甚至私房菜都會有。嚟到呢度可以逐間搵自己嘅心水。平成二十二，一聽個名就知道係食日本菜嘅。日式嘅放題，高質素嘅日式放題。一去到睇到嗰啲餐單已經放左係個台度，有7類嘅食品可以俾你揀，有刺身，有壽司，有烤物，有天婦羅，甚至乎火鍋。一嚟到咁梗係食咗係啲刺身先啦，刺身都有好多種類俾你揀。特選日本大海老，油甘魚同埋北海道帶子。大海老非常大，雖然要自己剝殼，但係自己剝嘅時候仲可以食埋佢頭嗰啲膏，又甜又多。油甘魚唔係話嗰個自助餐都有得食，因為係屬於比較貴價嘅食品，但係呢度都可以無限量供應俾你啊。另外北海道帶子都幾大粒，係原粒上，唔會切到一片片薄片，搞到冇乜口感咁樣。原來夠兩個人仲會送多一板海膽，你睇吓板海膽幾大，仲有埋紫菜可以俾你包埋食。呢隻海膽味香濃，食落都好creamy 。食食吓主角竟然出場！呢個主角我哋係冇叫到架，原來食放題夠四個人，餐廳就會送來一隻龍蝦刺身。係呀！你冇聽錯！係龍蝦刺身，成隻龍蝦都幫你新鮮咁樣剝晒啲肉，切片上，正丫，正丫！剩係呢個刺身都值回票價！跟住輪到熟食，我首推就係沖繩苦瓜炒蛋。其實我本人都幾鍾
平成二十二，一聽個名就知道係食日本菜嘅。日式嘅放題，高質素嘅日式放題。一去到睇到嗰啲餐單已經放左係個台度，有7類嘅食品可以俾你揀，有刺身，有壽司，有烤物，有天婦羅，甚至乎火鍋。
一嚟到咁梗係食咗係啲刺身先啦，刺身都有好多種類俾你揀。特選日本大海老，油甘魚同埋北海道帶子。大海老非常大，雖然要自己剝殼，但係自己剝嘅時候仲可以食埋佢頭嗰啲膏，又甜又多。
油甘魚唔係話嗰個自助餐都有得食，因為係屬於比較貴價嘅食品，但係呢度都可以無限量供應俾你啊。另外北海道帶子都幾大粒，係原粒上，唔會切到一片片薄片，搞到冇乜口感咁樣。
原來夠兩個人仲會送多一板海膽，你睇吓板海膽幾大，仲有埋紫菜可以俾你包埋食。呢隻海膽味香濃，食落都好creamy 。食食吓主角竟然出場！呢個主角我哋係冇叫到架，原來食放題夠四個人，餐廳就會送來一隻龍蝦刺身。係呀！你冇聽錯！係龍蝦刺身，成隻龍蝦都幫你新鮮咁樣剝晒啲肉，切片上，正丫，正丫！剩係呢個刺身都值回票價！
跟住輪到熟食，我首推就係沖繩苦瓜炒蛋。其實我本人都幾鍾意食，但係咪話樣樣苦瓜我都食，我就比較鍾意食沖繩呢種苦瓜，呢種苦瓜，苦得來係甘。同埋好肯定佢個炒蛋係即叫即炒嘅，因為食落去嗰陣味係啱啱好唔會老，仲好熱。我食左n甘多碟！
仲有就係燒物，來呢度嘅燒物，都係即叫即燒。所以等嘅時間可能會比其他多小小，但係絕對值得等，因為燒烤嘅物品一定即燒即食係最好。牛舌切成一片片嘅薄片，爽口帶黑椒味，牛味重 。
各式手卷，即叫即整，包出嚟紫菜仲脆，飯仲暖，食嘅最好時機。
喺呢度食除咗食日本野之外，仲可以食埋佢個sabu sabu ，同出面打邊爐一樣呢度有好多款火鍋配料可以揀，任食只需一個人加20蚊，抵過去大家樂食喇。
臨走嗰陣時候先至發現原來今年係呢度嘅第七周年，所以有優惠活動。包括頭先所講嘅每兩個人送一板海膽，同埋每四個人會有一隻龍蝦刺身送，所以鍾意食龍蝦嘅朋友真係要把握時機快啲去食啦！我都好想再食丫。。。
Post
