JUST'er Bar & Restaurant

Open Now

Now Closed

今日落好大雨，喺公司樓下搵左間餐廳食飯，呢間西餐廳有signature 霓虹燈裝飾，枱櫈都幾舒服。🥑🦐牛油果大蝦黑醋沙律🥗🦐大蝦炸得好香脆可口，肉質結實彈牙；🥑牛油果口感比較結實爽口；🥗沙律菜爽脆新鮮配上酸甜嘅黑油醋汁，酸甜解膩，加咗芝士粉有少少鹹鹹地，不過份量偏少。🍅紅酒牛柳粒蕃茄意粉🍝上碟熱辣辣會出煙，🍷紅酒汁同蕃茄汁好配合，意粉軟硬適中，牛柳粒牛味香濃，肉質結實，不過個人唔太喜歡偏甜的醬汁。🌹三分鐘舒缓經痛玫瑰花茶🫖好大壺，用料幾充足，可以幾人share, 有淡淡的玫瑰花香味同蜜糖香甜味，健康養生。真士多啤梨奶昔🍓💕顏色好靚，可以見到有好多士多啤梨果肉，飲落口感似奶昔與沙冰中間，不過味道偏甜，如果加返少少士多啤梨酸味會更好。