自家製韓國刀削麵 (山林道)

Open Now

Now Closed

餐廳位於山林道食街，街上沿途都有各式各樣的餐廳，但韓國刀削麵脫穎而出，大排長龍，好多人幫襯。餐廳主打韓式刀削湯麵，還有一些韓式小食。手機掃QR code落單，挺方便。餐廳有水和泡菜免費提供。花蛤刀削麵超大碗麵，有好多好多麵，食完勁飽肚。花蛤的鮮甜味道能夠在湯底喝得出。麵裡還有蛋絲、紫菜絲和韮菜。牛骨湯刀削麵刀削麵條長長，挺有彈性，口感屬煙韌。 湯底呈奶白色，牛肉片係薄切。雙拼餃子大豬肉餃子和大泡菜餃子各兩個。真係好大隻，同喺韓國食既大餃子一樣大。我個人喜歡豬肉餃多些，泡菜餃比較辣。