Video
Opening Hours
Today
12:00 - 16:00
17:00 - 22:00
Mon - Sun
12:00 - 16:00
17:00 - 22:00
Public Holiday
12:00 - 16:00
17:00 - 22:00
Public Holiday Eve
12:00 - 16:00
17:00 - 22:00
Above information is for reference only. Please check details with the restaurant.
凍凍地想食暖湯麵，諗起呢間未食過之前試咗Seoul noodles，成日分唔清兩間😂星期六有$68 lunch set包一款餃子、湯麵、汽水飲品不過原來得一款湯麵唔使加錢，所以最後決定散叫一嚟就有免費泡菜😍可以refill微辣，甜味較重，當菜撈麵食幾好▶️ 雞髀刀削麵 Chicken Noodle Soup ($78)大大碗暖粒粒♨️湯底味道濃郁，落咗唔少麻油，有啲似公仔麵湯底另外仲有好多配料：紫菜、蛋絲、薯仔、香蔥、蘑菇等令湯麵冇咁單調，口感都豐富好多刀削麵好正🥹煙煙韌韌，似烏冬又似拉麵🍜超上癮雞髀大件多肉，雞味相對淡，不過肉質唔算好乾🍗食完仲想食多碗haha (但其實佢份量好足)-比預期出色🤤刀削麵質真心好好味好耐冇食過啲咁煙韌有嚼口嘅麵即使好多野都係自助，侍應服務態度唔錯環境一般，因為自己一個食，同時又多食客，要同人搭枱個人覺得同seoul noodles雖然相似，但各有各做得好嘅地方👍🏻麵質、湯底就呢間好啲Seoul noodles雞髀多肉啲滿足啲價錢方面兩間差唔多，今次賣單$78唔收加一即使開咗咁耐，依然保持人氣，要等位排長龍，好彩當日早咗啲去💕
continue reading
#MC帶你去尖沙咀.韓式燒肉、炸雞、石頭鍋飯食到悶，咁韓式刀削麵又試過未呢？！依間刀削麵餐廳係人氣韓式炸雞店「李家」嘅副線品牌，食物質素一定有保證！➖✨ 부자칼국수 自家製韓國刀削麵.餐廳為香港第一間韓國刀削麵，主打韓式刀削湯麵及韓式蒸餃；店內裝潢簡單樸實，柔和色調配以木系餐桌，充滿韓式小店氛圍。➖🥢 花蛤刀削麵｜$78（⭐必食）.花蛤份量都幾多，足足有成15-16隻，粒粒飽滿無沙，加上自家製手工刀削麵，質地煙韌口感彈牙，而湯底比較清澈透明，但味道幾鮮甜！搭配翠玉瓜、紫菜絲及雞蛋絲，口感豐富。➖🥢 牛骨湯刀削麵｜$78.以牛肉及牛骨熬煮成奶白色湯底，淡淡牛肉鮮味；牛肉片薄切嫩滑，韓牛味道濃郁，搭配韮菜、冬菇絲、紫菜絲及雞蛋絲，配料十分豐富。➖🥢 雙拼餃子｜$68.拼盤各有兩隻泡菜餃子及豬肉餃子；豬肉餃子肉汁滿滿，泡菜餃子微辣易入口；餃子皮幾柔軟，兩款餡料都十分飽滿，好滿足！➖➖➖➖➖➖➖➖➖➖➖➖➖➖#Ming_Course #油尖旺區美食 #尖沙咀美食 #尖沙咀好去處 #香港美食 #香港探店 #尖沙咀 #佐敦 #自家製韓國刀削麵 #韓國菜 #香港韓國餐廳 #香港韓餐 #香港韓國餐廳 #韓式料理 #韓國料理
continue reading
收工經過見到未閂門就去試吓，刀削麵太吸引，面嘅份量好多，但餸嘅份量比例太少，餐牌選擇亦唔多，由於我無肉不歡，所以叫咗佢其中一個腩肉做餸，但好失望，味道唔出眾，口感亦麻麻哋，不過刀削麵嘅口感係唔錯～不過餃子真係超級有驚喜，叫咗份雙拼餃子，泡菜味同原味，原味真係好出色！新鮮蒸出嚟好好味，不過單價四粒餃子嚟講，我覺得價錢可以低少少
continue reading
今次呢間有點隱蔽，係山林道嘅自家製韓國刀削麵부자칼국수泡菜+豬肉大餃子初初以為，下？得4粒？但其實好大粒，2-3粒都好飽肚裡面有肉饀同粉絲，所以都其實有返咁上下份量泡菜味我覺得最好食鯷魚刀削麵無咩配料，主要食個湯如果鍾意食海鮮意粉可能知鯷魚就係提升個味嘅咸魚，所以個湯係幾香，不過我都係鍾意鯷魚做意粉汁多點花蛤刀削麵個麵好多蜆肉😋個湯夠熱好飲，其實好大份，食到一半已經好飽麵對於我來講可能真係太多😅
continue reading
當日係星期日晚，大概8點左右。老公一早bookmark咗好想食呢間餐廳，冇book枱膽粗粗去食。出奇地，間舖得一枱客，我哋以為就收工！原來佢哋係收10點嘅！一坐低店員就準備咗2小碟前菜俾我哋，係辣泡菜。我哋一家四口去食，叫咗3碗刀削麵加一份小食。即叫即整，成個湯麵超滾熱辣！冬天食，真心一流呀！我哋叫咗花蛤刀削麵、牛骨湯刀削麵、雞髀刀削麵及牛肉葱煎餅。麵底方面，好有咬口、彈牙！好食嘅，仲好飽肚！花蛤都幾足料，都有好多隻！雞髀刀削麵真係有大大隻雞髀喺入面，不過略嫌雞髀肉唔夠嫩滑，湯底好鮮甜，都係好正！牛骨湯刀削麵就有幾片好薄嘅牛肉，湯底好正！會想飲晒成碗湯！牛肉葱煎餅好香，少少脆邊，都好好食！下次都會再嚟試埋其他款。
continue reading