味一番

Open Now

Now Closed

山林道有好多唔同款式的餐廳，而好食的餐廳都有很多，朋友介紹咗呢間日本餐廳 味一番，聽個名都令人好想來食。餐廳位置方便易搵，裝修簡約高格調。今晚客人頗多，我地今晚被安排坐在餐廳中間，位置寬敞舒適。前菜二品，椰菜沙律汁煮牛肉，味道濃郁，入味軟稔。油菜花沙律，平時比較少食到咁新鮮的油菜花，清新爽脆，開開胃之選。自家制梅酒，口感比較偏酸甜，梅子味香濃，杯中有一粒大大粒的梅子，咬落軟稔香甜，香味散發。特上錦繡刺身，$538, 有六款刺身，赤蝦，鱸魚，油甘魚，帶子，加拿大海膽，拖羅等，味道鮮甜嫩滑，新鮮美味，拖羅雪花油脂分佈平均，入口即溶。厚燒牛舌，即燒多汁，嫩滑鮮甜，牛肉味濃郁。燒白鱔，燒得香脆，咬落香甜，魚肉軟稔香甜，田脂味散發，口感層次豐富。鹽燒雞中翼，雞肉軟稔濃郁，多汁味濃，香脆入味。銀鱈魚西京燒，魚肉鮮甜，肉質呈白色，油脂豐富，入口豐膄，魚香味濃郁。蝦頭麵䜴湯，用上剛才刺身的赤蝦蝦頭煲成的味噌湯，蝦味滲入湯當中，十分鮮甜入味，咸度適中。甜品叫咗個芝士雪糕，原來味道可以如此濃郁，芝士咸香可口，同雪糕的香滑味道好夾，入口即溶軟稔，令人食不停口。