味一番

Open Now

Now Closed

平時成日經過山林道，都不為意有間日本菜位於轉角位教堂附近，剛好經過這裏，我們兩人就特意去試一下。餐廳燈光柔和舒適，座位以木為主，有梳化及吧枱位置等，另外在較入的位置還有幾間房間，也適合一班朋友把酒談天的好地方。店員非常體貼，隨即俾咗兩杯茶水我們。實在太肚餓了，先來兩份前菜，蔬菜味道好新鮮，而且口感脆口，點醬汁一齊食更加開胃。我們也不忘點了幾款刺身，當中包括白子刺身、不說不知道原來是魚的精子，配以蔥花同醬汁一齊食又幾Creamy。然後就是我們最喜歡吃的壽司🍣，火炙燒的金目雕壽司，配以面頭的一點柚子醬，新鮮的金目雕魚肉隨即溶入我口中，但又有咬口。另外還叫了一些熟食。自家製雞肉丸配以生雞蛋連醬汁，外皮香脆嘅雞肉點雞蛋汁一齊食，質感好滑溜，雞肉亦燒得好香，咁樣食味道都幾match。最後再加一碟鰻魚炒飯，為呢一餐豐盛的日本菜畫上句號。我們兩人又食刺身、壽司、熟食、串燒等不同款式類別的食物，最後結帳都只是$1600左右，最重要是每款食物新鮮即叫即整，非常美味，感覺值回票價。