Video
Read full review
2023-05-07
1217 views
上手餐廳曾經幫襯過一次，原來不知道在疫情期間什麼時候已經結業，今日變成了【青花汾】。餐廳正在試業，尚未擇日正式開張；招牌用了一張淡紅色的薄紙遮蓋着，透過燈光仍然可以清晰看到餐廳名字。裝修簡約，似係一間乾淨企理、較為摩登的茶餐廳。細心觀察一下，其實也有裝修主題，就係青花瓷。店主又似乎特別鍾情人氣收藏品 B@arBrick，特別訂做了幾隻不同尺寸、但同樣採用中式白底藍色青花瓷圖案的 B@arBrick。枱面的醬油樽及筷子筒（甚至筷子），以及碗碗碟碟，同樣採用藍色青花瓷圖案，貫徹室內設計風格之餘，亦反映一定係中菜餐館，同時亦回應餐廳名字「青花」。餐廳名的第三個字「汾」則源自山西省汾河，配合主打麵食 - 山西刀削麵。每日午餐優惠係典型茶餐廳食品，迎合客人之餘，也配合市場需要。始終主打中式拉麵，當然要叫三款不同口味拉麵試吓。不過，始終不太喜歡刀削麵的口感，三碗都揀了中式北方拉麵。牛腩灌湯拉麵（$69）用一個小瓦煲上菜，夠熱辣辣，配合灌湯兩字。湯頭非常肥膩，表面浮起一層油，賣相唔吸引；有淡淡牛味，但唔似台灣紅燒牛肉湯的香辣，亦沒有港式清湯牛腩湯的鮮甜。麵條係常見的中國北方拉麵，入口軟腍。牛腩最差，
裝修簡約，似係一間乾淨企理、較為摩登的茶餐廳。
細心觀察一下，其實也有裝修主題，就係青花瓷。店主又似乎特別鍾情人氣收藏品 B@arBrick，特別訂做了幾隻不同尺寸、但同樣採用中式白底藍色青花瓷圖案的 B@arBrick。
枱面的醬油樽及筷子筒（甚至筷子），以及碗碗碟碟，同樣採用藍色青花瓷圖案，貫徹室內設計風格之餘，亦反映一定係中菜餐館，同時亦回應餐廳名字「青花」。餐廳名的第三個字「汾」則源自山西省汾河，配合主打麵食 - 山西刀削麵。
每日午餐優惠係典型茶餐廳食品，迎合客人之餘，也配合市場需要。始終主打中式拉麵，當然要叫三款不同口味拉麵試吓。不過，始終不太喜歡刀削麵的口感，三碗都揀了中式北方拉麵。
牛腩灌湯拉麵（$69）用一個小瓦煲上菜，夠熱辣辣，配合灌湯兩字。湯頭非常肥膩，表面浮起一層油，賣相唔吸引；有淡淡牛味，但唔似台灣紅燒牛肉湯的香辣，亦沒有港式清湯牛腩湯的鮮甜。麵條係常見的中國北方拉麵，入口軟腍。牛腩最差，雖然有牛味，但很硬身、又有少少靱。
牛腩灌湯拉麵
$69
23 views
1 likes
0 comments
有比較之下，獅子頭灌湯拉麵（$62）好吃得多。湯底味道完全唔同，有雞湯清甜，同時滲有淡淡藥材香氣；有少少藥膳湯風味，但又不會太濃烈，迎合香港人口味。獅子頭同樣做得不錯，先炸香、再蒸熟；肉質鬆化、味道鮮甜。
獅子頭灌湯拉麵
$62
41 views
0 likes
0 comments
在北方菜系或川菜中，酸辣湯是配搭餃子/雲吞的常見湯品，吃水餃通常配酸辣湯；味道酸酸辣辣又開胃，久不久喝一碗又可以提升食慾，而且四川人相信酸辣湯能行血祛濕、又有暖胃作用。今日就叫個酸辣湯菜肉雲吞（$56）。小編下單後不久，再有客人想點酸辣湯，店員就話賣完，小編果然幸運又有眼光。酸辣湯其實不應該叫做湯，應該稱為「羹」，因為它是連湯料一起吃，加上雲吞就非常飽肚。酸辣湯的酸來自醋，而辣則是來自胡椒粉。這個酸辣湯用料豐富又夠辛辣，越食越開胃。
酸辣湯菜肉雲吞
$56
15 views
0 likes
0 comments
典型北方風格的菜肉雲吞，粒粒飽滿，菜肉餡料清甜、有肉味又多汁。加上刻意配合港人口味，雲吞皮比起正宗北方雲吞做得薄身，口味更佳。
湯底味道唔差、又夠抵食，中午甚至冇收加一服務費！買單計數，其實同街市熟食檔的粉麵差不多價位；勝在有冷氣，又有適當服務。如果想快快脆脆搞掂一餐，味道又要不差，可以考慮。
Post
