生記山西刀削麵 (Closed)

生記山西刀削麵 一間係元朗廣場斜對面唔起眼既小店：店面唔算大 冷氣勁🥶 枱與枱嘅距離都好近 有少少逼夾 我地係夜晚九點幾幫襯 得兩三台客 唔駛坐到櫈貼櫈😗 樓面以一班愛閒聊既姐姐們打理 落單呢啲重要野 係要客人重覆三四次既 專業！🙃我嗌左蘭州牛肉麵 (中辣 x 走蔥)🍜🌶係山西刀削麵館嗌蘭州牛肉麵 認真咩？😆正宗既蘭州牛肉麵講求嘅《一清二白三紅四綠五黃》 呢到無一樣中🤣🤣 好出其咩？不過撇除蘭州這回事的話 佢個麵唔差喎！湯濃 雖然唔係啲咩靚湯底 至少唔係淡茂茂 好啱配掛湯能力較差直身麵👌🏻麵一絕 師傅即叫即拉即煮 分量足 Q度爆分 有幾爆分？話說 個麵上台唔夠一分鐘 ...就“走鬼“了🤯 真係X左出聲 我二話不說起身破門而出 飛奔去元朗廣場救車 整個救參行動歷時七分鐘左右 除左成功達陣慳番$320之外🥳 個麵既Q度仲係到 有料到👍🏻成碗麵最似蘭州牛肉麵既就係佢既牛肉🥩 蘭州牛肉面追求既係個湯頭同麵質既極致 而非牛肉既嫩香 呢一點 佢做到了🤣 牛肉既調味料味重 有咬口 對於有牙線係身既我 輕鬆！🙃整體黎講 以麵論事 以$50食到呢個質素既麵 有誠意 我願意😗非專業評分 (滿分4👅)賣相