雪月花 (Under Renovation)

山長水遠黎食，好明顯知咩料啦！係架，係黎撐老闆，但都要講真心話。本來以為會好多人，好彩一黎就有枱。一坐低先點個限量供應的心太軟（後尾真係聽到後面有人點但店員說賣晒），好彩早落單食倒同真係好食嘅，用焙茶做無朱古力咁heavy，值得食同消耗一個甜品quota嘅。另一款揀左甜品set, 咁靚好明顯係用嚟影相啦，中規中矩綠茶味唔會失望但亦唔會味王上身大叫好好食咁囉。值得讚反而係個茶，清香好味，仲可以免費加水一次，讚！朋友點的焙茶latte反而麻麻地，茶味唔夠濃，下次再嚟會揀番中式茶或試其他飲品。差啲唔記得講，店員服務親切友善，意料之外地好，成個體驗係舒服嘅。