37 Steakhouse & Bar HK (Closed)

好耐冇嚟過山頂了， 星期六下午和老公一齊到山頂行下， 陽光普照心情特別輕鬆， 我們即興到37 Steakhouse & Bar 吃午餐。 這裏環境開揚陽光充足， 餐牌有散叫和午餐， 見到Lunch Set $198 前菜+主菜+甜品，向山頂黎講都幾抵，所以我們決定點set，田園沙律配日式蘋果醋汁+ 美國特級西冷＆日本飯配照燒汁＋ 咖啡凍堤拉米蘇。餐包～ 唔好睇少呢個牛角包， 熱辣辣非常好味。田園沙律配日式蘋果醋汁～ 沙律好新鮮配上日式蘋果醋， 令到更加清新開胃。美國特級西冷＆日本飯配照燒汁～ 我點了半成熟， 肉質粉嫩， 牛肉味道特濃， 唔需要點照燒汁已經好好味， 配上粒粒煙韌的日本飯， 這個lunch set果然冇叫錯。咖啡凍堤拉米蘇～ 我很喜歡吃tiramisu， 這個做得酒味很濃， 中間有咖啡啫喱， 面層有一塊朱古力脆片點綴， 令整杯甜品賣相更加精緻。以前成日都覺得山頂餐廳的價錢比較貴，今次竟然俾我發現到37 Steakhouse & Bar，食物質素有水準，價錢又唔貴， 除了遊客之外，我哋香港人都可以嚟支持下。