37 Steakhouse & Bar HK (Closed)

好耐無上過黎山頂，今日特別約埋幾個朋友到山頂一遊，行下山加睇埋維港風景。遊覽左一陣肚仔都有d餓，我地就係山頂廣場探索一下，發現原來都有不少餐廳選擇。最後我地就去左呢間 37 Steakhouse & Bar Hk。呢間Steakhouse地方相當寬敞，裝修雅致，而且落地玻璃的位置更可以睇到維港一絕的景色，非常有氣氛。呢間餐廳午市提供半自助餐，只需$168就可選擇一款主菜，加自助沙律及水果。令人意想不到嘅係餐廳更提供爆谷機讓客人隨便享用即極的爆谷，味道都非常不錯。主菜我哋分別揀咗香煎挪威三文魚、炭燒加拿大豬鞍、炭燒澳洲M五牛板腱同埋炭燒安格斯西冷。個人而言我最有冇印象就係炭燒澳洲M五牛板腱，我地order嘅時候揀咗七成熟，入口有咬勁，香甜多汁，味道豐富牛味極濃，唔點醬汁味道亦好好。另外，香煎挪威三文魚柳外層煎得好香脆，配有芝士醬汁，味道好夾。反而豬鞍比想像中略為乾身，肉質唔夠嫩，可圈可點。除咗主菜之外，亦可以加選特色湯品或小食，例如龍蝦湯、松露野菌湯、炸薯條、炸魷魚條等，價錢分別為$38-48不等。由於我自己非常之鍾意飲菇菌類嘅湯，所以我就揀咗松露惹菌湯，果然不出所料呢個野菌湯味道非常濃