Video
Read full review
2011-01-03
50 views
不知不覺，原來沙嗲王都好多年，學生年代食係貪佢平，但大個左間唔時都會約朋友食沙嗲王，無可否認沙嗲王近年既轉型幾成功，租鋪大多係樓上以減成本，菜式多元化主打年輕人市場，食幾多送番相應coupon俾你等你下次再黎以留住顧客，怪唔得雖然地方大，但都經常爆滿。今日荃灣呢間都係咁多人，難為樓下姐姐仔咁凍仲要企係度叫number入座。家父一向喜歡中菜，又唔能夠下下去咁遠，所以其實出街食飯都幾頭痛，今日想起沙嗲王，貪其多元化，應該總有一樣岩大家食。食慣沙嗲王既朋友都知，呢度叫waiter加水、點菜都係靠個電子人肉搖控，好處係你坐到死角位偷情，但有需要時都唔會叫天不應叫地不聞，我就幾喜歡呢個搖控了。蒜茸牛油雞翼半客四隻，炸得香口且嫩，但略嫌粉厚，蒜茸牛油味適中，但再重ｄ會更好味。自從第一次吃過之後，沙嗲牛肉粉絲煲差不多每次都點，沙嗲味適中，偏向重花生味多於沙嗲味，牛肉粉絲和金菇都足料，撈飯超正，叫得沙嗲王果然店如其名。鮑汁扒西蘭花不要期望太高，無乜鮑汁味，是否鮑汁真的吃不出來。西蘭花新鮮，再配菇菌類，吃得多重味野有碟菜是不錯的。香芒鮮蟹肉炒飯的芒果過酸，沒之前夏天時食的過癮。這個本是除白咖哩豬扒飯外的
不知不覺，原來沙嗲王都好多年，學生年代食係貪佢平，但大個左間唔時都會約朋友食沙嗲王，無可否認沙嗲王近年既轉型幾成功，租鋪大多係樓上以減成本，菜式多元化主打年輕人市場，食幾多送番相應coupon俾你等你下次再黎以留住顧客，怪唔得雖然地方大，但都經常爆滿。
今日荃灣呢間都係咁多人，難為樓下姐姐仔咁凍仲要企係度叫number入座。家父一向喜歡中菜，又唔能夠下下去咁遠，所以其實出街食飯都幾頭痛，今日想起沙嗲王，貪其多元化，應該總有一樣岩大家食。
食慣沙嗲王既朋友都知，呢度叫waiter加水、點菜都係靠個電子人肉搖控，好處係你坐到死角位偷情，但有需要時都唔會叫天不應叫地不聞，我就幾喜歡呢個搖控了。
蒜茸牛油雞翼半客四隻，炸得香口且嫩，但略嫌粉厚，蒜茸牛油味適中，但再重ｄ會更好味。
自從第一次吃過之後，沙嗲牛肉粉絲煲差不多每次都點，沙嗲味適中，偏向重花生味多於沙嗲味，牛肉粉絲和金菇都足料，撈飯超正，叫得沙嗲王果然店如其名。
鮑汁扒西蘭花不要期望太高，無乜鮑汁味，是否鮑汁真的吃不出來。西蘭花新鮮，再配菇菌類，吃得多重味野有碟菜是不錯的。
香芒鮮蟹肉炒飯的芒果過酸，沒之前夏天時食的過癮。這個本是除白咖哩豬扒飯外的另一招牌飯，竟然會攪成咁真係可惜。也因為今天的芒果太酸，打消了我地本來諗住係度食埋甜品的念頭。蟹肉太散，搵不到也吃不到，整體黎講真係失敗到極點。
越南春卷三條共六件，有點驚喜，春卷皮薄如紙，而且炸得脆，冬菇豬肉粉絲材料入味，不錯。
以韓式石頭碗配日式炸雞，就是脆雞洋蔥蛋石頭碗飯。炸雞很和風，香口嫩滑，但稍嫌乾身。熟蛋洋蔥撈飯，再在上面灑上紫菜芝麻。味道對辦，但石頭碗本身做不到飯焦，整碗飯感覺乾巴巴。
椒鹽脆豆腐香口得黎內裡嫩口，椒鹽夠味，喜出望外。
鎮店之寶白咖哩豬扒飯水準依舊，三塊豬扒一個人食夠晒數，只是今日幾個人分有ｄ到喉唔到肺。豬扒應該已用香茅醃過，不點咖哩都夠晒味；白咖哩香之餘帶點辣，撈飯一流。
酥炸龍係新出品，簡介寫即係HALIBUT魚骨炸，可防骨質疏鬆。好多地方都九唔搭八地話食骨可防骨質疏鬆，但我記得我睇過報導，咁食骨法係補唔到ｄ乜的。這碟酥炸龍為試食裝，唔駛十蚊已有交易，外形似薯格，炸得香口，咬落去很脆，味道似炸魚皮，但頗多油味，感覺是多吃無益。
老爸吃過之後無甚抗拒，看來以後一家人食飯，唔駛餐餐酒樓中餐京川滬，又可以多一個選擇了。
Post
