Video
Read full review
2022-07-29
455 views
平時係大埔太和行出行入都會見到呢間木屋大排檔，當屋企人就好少機會過太和食飯，今日就約埋朋友一齊試下呢間已經屹立於大埔好耐嘅泰國菜！個名叫大排檔，其實入面裝修風格完全唔係大排檔座位好闊落，當日坐係門口第一排，開門關門會有少少熱，不過影響不大。鮮蝦炒金邊粉同朋友食第一啖都有種驚喜感覺，乾濕程度啱啱好，金邊粉口味偏甜，啱哂我同唔食辣嘅朋友。馬拉盞通菜係連個細煲仔一齊上的，通菜炒得好淋，夠惹味豆腐卜墨魚滑呢個小食十分脆口，怕熱氣同朋友share就啱喇，個汁係偏鹹，如果係有少少甜酸相信會更加夾！飲品方面我揀咗脆爆芒果園，而朋友就揀忌廉泰奶。上一檯我地都嚇一跳，超大杯鐘意超濃芒果嘅朋友千祈唔好錯過，芒果味又濃又香甜，好似直接食緊芒果咁！總括而言，份量十足，價錢公道，絕對值得一試！
個名叫大排檔，其實入面裝修風格完全唔係大排檔座位好闊落，當日坐係門口第一排，開門關門會有少少熱，不過影響不大。
鮮蝦炒金邊粉
同朋友食第一啖都有種驚喜感覺，乾濕程度啱啱好，金邊粉口味偏甜，啱哂我同唔食辣嘅朋友。
馬拉盞通菜
係連個細煲仔一齊上的，通菜炒得好淋，夠惹味
豆腐卜墨魚滑
呢個小食十分脆口，怕熱氣同朋友share就啱喇，個汁係偏鹹，如果係有少少甜酸相信會更加夾！
飲品方面我揀咗脆爆芒果園，而朋友就揀忌廉泰奶。上一檯我地都嚇一跳，超大杯鐘意超濃芒果嘅朋友千祈唔好錯過，芒果味又濃又香甜，好似直接食緊芒果咁！
總括而言，份量十足，價錢公道，絕對值得一試！
Post
