大喜屋 (Closed)

今次同朋友慶祝生日食餐好嘅，所揀咗呢間日式放題。睇睇Menu，食物款式好多，而且好吸引！野食好快就到，少有放題餐廳上菜咁快呢。最先食嘅梗係刺身，必點嘅係極大赤蝦，另外赤貝亦好爽口，松葉蟹腳有驚喜，大大啖肉又鮮甜。仲有我最愛嘅海鹽燒左口魚邊壽司，油脂好香，真係好正！不得不讚嘅係西京燒海黃花，甜甜地嘅汁，超級入味，燒得好香，個胃無乜位嘅我都忍唔住要encore。沖繩黑糖網燒牛仔肉好嫩好juicy，唔會過熟，非常有質素甜品有Haagen-Dazs 或Milk Top雪糕每人一杯，仲有吉士泡芙，麻糬波波，抹茶大福都好好食。好飽好滿足呀！