名捌月 (Closed)

荃灣一向多野食，今次帶父母高級下，食西餐鋸扒。係路德圍，多數人想起甜品，街邊小食，但呢間餐廳正開係路德過。小小餐廳，餐廳名都幾特別。名捌月。黑毛豬鞍扒。非常厚肉，外表豐潤透亮，格紋焦痕，口感香稔軟嫩，富有水份且幾廷身，啖啖肉。脂肪組織近乎沒有，全是肉厚豬肉。餐廳有三種冰震飲品。包括冰震 朱古力 咖啡 和 奶茶以玻璃樽裝型式，玻璃樽有 餐廳自製圖案標誌。幾靚。我飲了樽咖啡，咖啡香滑，有奶，所以不太苦澀。朱古力同樣香滑柔嫩，唔錯。再來一碟元貝大蝦卡邦尼意粉，普普通通，穩穩陣陣，沒有伏，包你飽肚。跟餐有餐湯，忌廉湯 同 龍蝦湯新穎的 龍蝦湯口味特別，香濃龍蝦味，鮮香撲鼻。有少少龍蝦肉碎。不腥反而鮮甜醒胃。整多碟龍蝦意份，龍蝦飽滿結實，餐廳廚師加工，不用鉗，一支叉就能食到。