炯記餐室 (沙咀道)

Open Now

Now Closed

未試過鵝油撈麵，刻意上網揾揾，就揾到烔記燒味 😋。食店雖然唔算大，不過唔會密密放座位，食客坐得舒適。另外餸同麵食分開上，咁就可以輕易同朋友分享👯‍♀️👯🔅炯記煙燻燒鵝撈麵幸運日，竟然獲得部分鵝脾🎉。燒鵝皮脆，脾肉嫩滑，燒得入味，而且充滿油香。第一次食鵝油撈麵，雖然啖啖油香味，但又唔會食到有好油膩嘅感覺😋🔅炯記叉燒撈麵蜜汁香甜，叉燒軟腍又有少少燶邊，分量適中，只係略為肥咗啲啲😆🔅海蜇拼手撕雞手撕三黃雞，啖啖肉，食得方便，沙薑味又夠香。海蜇爽口，帶一點辣味，惹味💕😆醬皇豬手乾淨，唔會有一條條毛毛。燜得入味又腍，充滿骨膠原嘅感覺🌝