麥明記 (Closed)

今日同之之黎到呢間位於天后水星街既麥明記take lunch~👫入到黎坐底感覺都幾好,唔會話好嘈,我地重選擇左坐係一個角落卡位到.🤗🤗🤗黎到呢間野,雲吞麵當然係必食既野黎,我地二話不說都叫左一碗大既(打算兩份分)🤤🤤🤤然後,叫左一個牛腩飯 + 鯪魚球 飲左個熱奶茶.首先黎左個大蓉,色水,賣相幾好.湯底望落去清澈見到底,一睇就知師傅造過功夫去處理湯底.雲吞:皮薄餡靚,雲吞皮真係好薄身,絕對唔會話令你咬左落去令你口入面感覺有層野.蝦+豬:肉都食得出係新鮮,調味方便都做得好好!(加埋辣醬真係好正!)麵:時間掌握合適,D麵一咬就開,但又唔係林哂唔好食咁.牛腩飯:牛腩鬆軟,食落唔會有渣!腩汁都相當濃郁.芥蘭:都唔錯,叫做嫩.加埋腩汁都好正!!!!鯪魚球:賣相好吸引,重大過粒乒乓球 ,即叫即炸!咬落去就知道魚肉相當足料,，又彈牙！而且有甘香既陳皮味,我自己個人對呢件波波既評價相當之高!絕對建議大家去食!!!最後到杯熱奶茶:本身係呢D麵檔隨食野唔會期望杯奶茶好正,但係飲落又唔係差最後賣單都係百多塊，相當底食，下次會翻轉頭！