湯火功夫麻辣燙 (Closed)

行經銅鑼灣，見到有間裝修得幾靚既川式野。好耐無食過麻辣燙，其他菜式又食到厭厭地，就試下新野喇！ 舖頭裝修得幾別緻，樓底好高所以顯得空間感多。座位之間都有好闊既空間，坐得舒服，又唔怕太嘈。最緊要舖頭睇落夠乾淨企理，好多平價川式野都有種污糟既感覺，難得呢間坐得咁舒適。 我地差唔多傍晚去，唔算好多人。侍應岀餐幾快手，無耐就有野食lu。 我叫咗一個蕃茄麻辣燙。我唔係好食得辣，所以叫咗蕃茄湯底，但朋友試咗麻辣湯，覺得個湯底好好味！我就好奇試一試擺係隔離既麻椒油，果然真係好好味～雖然麻，但佢唔算辣，而且仲有一種獨特既香氣係到，一試難忘。