陸陸雞煲火鍋 (Closed)

星期六晚好夜先去食嘢，即刻諗到食陸陸！半夜12點幾去到，仲有好多客，開到2點，1點last order! 用pad嗌嘢，好方便！店員好好人，服務一流！去得太夜，已經冇海鮮餐，得番散嗌，叫咗bb辣雞煲，但已經頗辣，唔食得辣嘅人記得一黎到就揀走d辣椒！雞煲好味，越辣越想食，停唔到！肥牛: 見到d花，都知唔係渣嘢，有牛味！墨魚丸: 黑白墨魚丸，彈牙爽口，好味，一定要試！白鱔片: 打邊爐白鱔真係一流，好新鮮！畀cash 每人送6隻蝦，蝦夠新鮮，一流！總括黎講，勁滿足一餐，服務態度好，嘢食好味，有咩理由唔幫襯！😏😏陸陸加油！