大川滬 (Closed)

一家係尖沙咀玩完，睇下附近有咩好推介，搵到係中港城既大川滬，而且我地都好鐘情於上海菜，位置方便，係中港城，交通好便利。一家三口食左咩？有小朋友關係，都會揀啲岩佢食既，呢度都好多選擇適合小朋友，小朋友要求食小籠包同要食甜品，果然識食，呢度既小籠包係推薦之一，食上海野一定吾少得小籠包，我地仲揀左雞火炒飯，嫩雞煨麵同素炒什錦，小朋友都好鐘意食，佢最鐘意食小籠包，四隻佢要食三隻，小籠包多汁多餡，好食。嫩雞煨麵點解話適合小朋友？湯底清清地已經好吾錯，又有菜粒同雞肉，煨麵容易入口。雞火炒飯係傳統上海菜，另外有個雞絲粉皮係大人想食，亦係食上海菜必食，最後甜品係豆沙鍋餅，好香脆易入口，讚！小朋友食得好開心，而且玩完比較累，呢度坐低食得好舒服，冷氣又夠涼亦吾會過凍，老闆娘安排座位靠貼心，知道我地帶小朋友安排我地坐張大枱靠窗邊，坐得好舒服，座位好寬敞，裝修不錯好新正，職員服務好好，又會同小朋友傾計，現場氣氛好安靜，家庭傾計好適合六道菜都好滿意，好適合家庭聚會既地方，價格合理，帶小朋友黎食食物又岩食餐廳外面有個好靚既打卡位，黎到吾好忘記係度打埋卡喇，老闆娘好用心經營的餐廳: