盛記酒家

Open Now

Now Closed

今日帶老爺奶奶去位於灣仔的盛記海鮮酒家食晚飯，地方唔大，但整潔乾淨。今日叫左個例牌乳豬，燒乳豬係呢間酒樓嘅招牌菜，用兩塊陳餅夾住乳豬皮嚟食，呢個懷舊食法好耐冇試過，乳豬皮脆到發嗦嗦聲，真係超正。木瓜煲豬踭湯，清甜滋潤，奶奶話飲落一啲味精都冇落，真材實料,飲左三大碗👍‌游水大班兩味，碧綠翡翠炒球，炒得非常香滑件件啖啖肉,夠獲氣，金銀蒜蒸頭腩夠晒惹味。好正啊！自己喺屋企做唔到呢個效果。‌肉絲炒米粉，米粉唔知廚師是煎定炸，好香脆，配埋嫩滑嘅肉絲假超好味嘅芡汁,平凡菜色都變唔平凡。豉油王蝦碌,用新鮮海中蝦炸過後再用秘製頭抽爆炒,食到手指都要舐埋🤣🤣