盛記酒家

Open Now

Now Closed

同屋企人嚟食冬至飯，野係好食既，但食到一肚氣。人多到行都行唔到，11個人坐張8人枱，完全無位放菜，上菜都俾人撞咗幾次，水又倒瀉，侍應都忙到燥底無任何服務可言。好心無咁大個場同人手，就唔好接受咁多人預訂啦，隔離枱book 8點既人9點半都未入到，想退訂都退唔到，話要1個月內再食。冬至飯食10幾人話轉都轉場都轉唔切啦。野再好食以後都唔會再嚟，咁既管理同服務以後唔會再嚟，唔好管理層見到檢討下。嬲到第一次打食評。

老公之前同舊同事食飯，讚呢度無論環境嘢食都好有以前細個舊式酒樓既特色，d碗碟係舊式，即係公雞或鯉魚嗰種，感受到舖頭好用心咁去做。今日專登再同我嚟食。荔枝蜜叉燒皇$168經理介紹燒味好味，我哋點了碟，好大碟，性價比高，每塊都厚而且少少燶邊，不會太肥，食落唔硬，好軟熟好嫩，蜜汁味真係非常香甜，味道冇得頂。錦江海鮮豆腐煲用料豐富，海鮮包括厚切班塊、鮮魷、珊瑚蚌同蝦，食得出唔係冰鮮既。豆腐用了布包豆腐，炸得外層脆口，內裏嫩滑，醬汁微辣，好惹味，送飯或淨食都正。揚州炒飯配料豐富，大量蝦仁，叉燒，菜心粒，用了靚。炒飯夠鑊氣唔油，大大碟，好滿足。呢餐非常滿足。茶、小食烚花生同贈送嘅甜品芋頭紫米露都係高質素。

乾撈海皇粉絲煲 一端上來還是熱氣騰騰的有嘖嘖響聲 好有食慾！！好大一份！！咸咸香香的味道與柔嫩的粉絲完美結合摻了一些咸蛋碎 夾了魷魚須 大蝦仁跟蝦乾開胃而不油膩 滿滿的鮮香味🤤令人欲罷不能 每一口都充滿了滿足感荔枝蜜叉燒 色澤很誘人～肥而不膩的叉燒淋上了特製的荔枝蜜色澤紅亮誘人 肉質細嫩多汁 甜而不膩口感豐富 吃起來好香 不愧是推薦菜配上一碗熱騰騰的白米飯更好吃了銀杏鮮腐竹浸時蔬🥬小白菜吸收了湯汁的鮮美變得更加甘甜滋潤 銀杏湯汁與豆腐皮的絲滑相得益彰味道清淡但不寡淡 湯汁直接喝都行小白菜煮得也不老 很新鮮軟嫩 狠狠炫了芋頭紫米露 用料好豐富～香香熱熱的糖水好治癒胃口啊不愧是正宗粵菜館 糖水都做得那麼出色不會很甜 味道剛剛好！超級足料～

收工同屋企人去酒樓食晚飯，估唔到平日夜晚都幾旺場，好彩都仲有位。黎到好快就招呼我地飲咩茶，仲好快手上埋碟花生小食。洗完碗碟又好快幫手清左啲盆，服務員真係快手又主動👍🏻欖角冰梅骨冰梅骨大大件，食落酸酸甜甜幾開胃，醬汁入面加左啲欖角碎，但味道唔會太搶，細味先食到欖角果種咸香而又甜甜地既味道。豬仔骨肉食落都幾軟糯，唔硬易咬。濃湯海皇雜菜煲雜菜煲好大份，入面有蝦、魚、珊瑚蚌、魷魚、菜心、白菜、木耳，另外仲有粉絲底，早知唔叫咁多白飯。海鮮食落新鮮冇腥味，濃湯粉絲味道啱啱好，食完冇口渴。荔枝蜜叉燒今次試埋佢個自家製荔枝蜜叉燒，例牌都原條叉燒斬件咁上，比想像中大份。叉燒口感食落軟身有肉汁，同平時食開比較實淨既好唔同。因為全條咁多，可以食哂全瘦同半肥瘦既部位。叉燒汁冇平時食既咁甜身，我覺得幾好👍🏻馬蹄爽埋單時原來仲有糖水送👍🏻👍🏻馬蹄切哂片幾爽脆，入面仲有啲薏米同蛋花，糖水食落清甜，真心唔錯。呢間幾啱同屋企人黎食飯，價錢唔貴，服務又幾好👍🏻推介🥢盛記酒家 🌏灣仔杜老誌道6號群策大廈3樓

如果你有留意叉燒關注組，都會留意到#盛記酒家條叉燒有幾勁😍😍😍其實除咗靚叉，仲有好多撚手小菜吸引不少粵菜之友去開餐，一大班人去會更好，因為碟碟都king size 😅荔枝蜜叉燒皇$168用左梅頭豬肉燒至微微燶邊，肉質軟稔，用上茘枝蜜取代麥芽糖，叉燒甜而不膩，濃稠的叉燒汁充滿甘香，完美地和叉燒融為一體。不過食到一半已經投降，要帶半條叉燒返屋企食發現了老派手工菜碧綠蝦子柚皮$128 聽人講過蝦子柚皮，製作繁複，但又唔可以賣得貴，所以真係買少見少，我都想見識吓。一碟有兩件柚皮，睇得出炆到好稔。柚皮輕輕地已經可以切過一角，口感粉粉的，有點似芋頭，以蠔油及上湯餵汁，味道平實，蝦籽有助提升鮮香，可以話幾特別翡翠蝦球螺片$188估唔會咁大碟，蝦仁爽脆，螺片超多，入口不靭，西蘭花炒得啱啱好，仍保持脆綠可口。

今日食嘅呢間每日放工都會經過，終於搵到機會同同事嚟一探究竟。我哋到得早，後面陸陸續續有人嚟，好快就坐滿咗。感覺周圍都係熟客，大家一嚟就點炸子雞，聽落好吸引，下次有機會一定要試下！🍽 ️ 荔枝蜜叉焼皇 $ 168 ⭐️⭐⭐⭐ ️好有意思嘅叉燒，食落有烤出嚟嘅脆邊同淡淡嘅荔枝香，肉亦好紮實，喺幾乎每間店都賣燒味嘅香港入面做出咗幾分特色，可以一試！🍽 ️ 豉油皇鮮鵝腸 $ 138⭐⭐⭐⭐⭐ ️擺盤青蔥可愛，火候恰到好處，唔同於普遍做法嘅炒，燙出嚟嘅鵝腸鮮脆可口，同豆芽都可以爭個高低。🍽 ️ 乾撈海皇粉絲煲 $ 168⭐⭐⭐⭐⭐ ️願意將全場最佳投畀粉絲煲。炒得特別香，乾濕度啱啱好，分量足海鮮多，仲額外加入類似蟹黃鹹蛋黃嘅口感，好好食好好食！請務必點呢個！兩個人點咗咁多菜根本食唔完，感覺分量可以3-4人食，最後打包咗一大盒返屋企建議多人就餐 or 做好打包嘅準備！

下班約了舊同事吃飯聚聚, 揀左附近灣仔盛記叫小菜吃。荔枝汁叉燒皇 $168叫了店里的招牌菜荔枝汁叉燒皇。叉燒用了半肥瘦部位,肉質幼嫩, 不會嚡口👍🏻焦糖化的叉燒表面焦脆不會太燶,配上他们特制的荔枝汁,叉燒都帶點甜味。椒鹽鮮魷🦑$168椒鹽魷魚雖然每家酒家都有, 但這家做得特別出色。鮮魷每一塊都大大一片, 新鮮幼嫩彈口,粉漿薄薄脆脆, 加上椒鹽粉咸香香辣，送飯配酒，一流，令人回味🍻干撈海皇粉絲煲 $168這道粉絲煲好干身,粉絲不會一夾就斷,窩底更燒出一層焦香嘎脆的粉餅, 香口美味。加上蝦乾，魷魚等海鮮配料,口感豐富。一大窩份量絕對够飽肚子。最后仲送了兩碗紫米芋頭紅豆沙,啖啖的紫米不會太甜, 芋頭軟綿。很有水準，超大满足☺️📍盛記酒家灣仔杜老志道6号群策大厦3樓#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必吃 #香港探店 #香港打卡 #香港旅行 #香港 #香港好去處 #假日好去處 #灣仔 #會展

朋友很喜歡吃叉燒，最近他帶我們到「盛記酒家」吃荔枝蜜叉燒，果然是好介紹。前菜：花生米~用香料炆腍的大大粒花生米，好吃。小食：椒鹽百福豆腐 ~香酥嫩滑，美味可口。三個主菜：荔枝蜜叉燒~滿滿清香荔枝蜜味的叉燒，色澤光澤亮麗，叉燒表面還有微微焦香，看到已經令人垂涎欲滴，八瘦二肥的肉質很嫩滑鮮味，大家都非常滿意。椒鹽香爆鮮魷~外-薄薄鹹香又脆口，內-鮮魷爽脆彈牙。金牌炸子雞~皮脆肉嫩，難得是油脂甚少，吃得也愜意。雪耳紅棗杞子龍眼清潤糖水~奉送的糖水也有水準，十分適合今天氣候，潤肺解燥！今晚用餐服務挺不錯，為我們加水、斟茶、換骨碟，很讚。滿櫃都是熟客寄存未飲完的美酒。

年紀開始有返咁上下，就開始欣賞中菜的味道。今晚就黎左灣仔傳統老字號酒家，吃吃各款招牌菜式，果然份量十足，味道亦有水準，難怪週末都熱鬧非常十分旺場。炸子雞皮脆肉嫩 賣相有光澤；吃出是新鮮的鵝腸，處理得宜，條條都好粗又大條！😍；牛尾亦是新鮮貨色，炆煮入味又軟淋，份量十足。樣樣都平實卻出色 果然係老字號中菜❤。最後甜品：來個紅棗糕 & 陳皮紅豆沙，甜蜜滿足！..招牌菜式：🔸金牌炸子雞 $298 / $168🔸豉油皇鮮鵝腸 $138 🔸紅酒燴牛尾煲 $168..×××××ש灣仔杜老誌道6號群策大廈3樓..

今晚朋友喺灣仔會展搞exhibition，完場之後約我食飯，仲帶我去呢間「盛記」。當晚爆晒場，仲要等位超級旺！🐔《 籠仔客家蒸滑雞 $148 》上送上「嘩！」我地一聲，因為真係好大盤！打開籠蓋見到聞到香噴噴好吸引！雞件多又嫩滑多汁，鋪滿梅菜十分入味，醬汁充滿雞嘅精華，撈飯一流！🍚《 白飯$14 》 🍲《 濃味海皇雜菜煲 $148 》份量好足，十分足料，有龍躉扒、西蘭花、木耳、鮮蝦、魷魚、珊瑚蚌、粉絲等，鮮味十足～🥒《 碧綠蝦子油皮 $128 》蝦子 柚皮，懷舊菜式之一，因烹調功夫多，需把柚皮不斷重覆用水浸，再出水，直至把柚皮嘅澀味去除再用蠔油炆數小時，再灑上蝦子，味道絕無柚皮嘅苦澀～ 3個餸足3-4人食飽飽～職員殷勤有禮，氛圍唔錯～

已經好多好多年沒有寫過食評，但這次真是不吐不快。一行十二人第一次在這餐廳用餐，訂了每人一隻、共十二隻豉椒炒蟶子皇，相信大家都知道正常吃新鮮蟶子是怎樣的，這餐廳的蟶子居然是碎上！切到每條只有大概一兩寸長！碎濕濕上菜的蟶子真是嘆為觀止！如果碎上的話為什麼我們要order每人一隻呢？估計這裏加起上來八隻蟶子也沒有！其他食物不過不失，老實說欖角冰排骨和脆皮芝麻雞味道還算不錯，可是這樣不老實的店家真的沒有下次了。

今天來灣仔盛記酒家吃飯，這是香港老牌酒家，每天都顧客盈門！### 荔枝汁叉烧色澤紅亮，表面閃著誘人的光澤，讓人垂涎欲滴。肉質柔軟，帶有前所未有獨特的果香，荔枝汁的甜美芬芳與叉烧的咸香完美的搭配，味道絕佳，令人驚喜！### 金牌炸子雞外皮金黃酥脆，好有光澤，咬下去，皮脆肉滑的對比讓人欲罷不能，肉質鮮嫩多汁，香氣四溢，無法抗拒這美味！### 香芒凍布旬凍布旬的口感滑嫩，與香芒的果香相得益彰，形成一種清爽的味道。每一口都帶來愉悅的甜蜜感!### 養顏紅棗糕紅棗糕柔軟而彈牙，入口細膩。不僅味道好，更富含營養，讓人倍感舒適！### 古法馬拉糕口感輕盈而不膩，淡淡的米香，微微的甜味!

Service and hospitality was good, food was excellent and served piping hot.The staff are welcoming and efficient! Full range of many choices including lots of hot pot dishes and stews. The restaurant was packed even though we arrived later at 8pm. Definitely a reminder of old HK style restaurant quality. Serving portions were large and not too salty. The oxtail in red wine sauce was rich in taste and oxtail was soft and fell off the bone. The seafood & tofu hotpot had a variety of seafood an

朋友在灣仔返工, 帶我黎呢間中式酒家晚飯用膳, 佢話價錢親民, 坐得舒服, 員工服務態度很好.今晚我地叫左三樣小菜:*濃湯海皇雜菜煲一黎到就係熱辣辣的, 酒家用了砂鍋可以保持溫度, 很貼心 , 還有很多材料, 包括蝦，蚌，魷魚，班腩塊, 所以湯都好濃郁鮮甜, 白菜和粉絲吸收了海鮮湯的精華, 食落特別甜*欖角冰梅角店家推介,欖角味好香, 豬骨食落酸酸甜甜, 很開胃, 送白飯真係無得頂*雲耳百合蓮藕片我就好喜歡食鮮百合, 養顏, 哈哈, 見佢呢度有, 就試下, 百合食落鮮甜, 蓮藕片炒到好爽口仲有糖水送, 不過太飽食唔落了~

#假日好去處 同Lisboy坐船過海睇吓夜景，Lisba介紹返工附近有呢間好有人情味嘅酒樓，所以去試一試🤤Lisboy一見到個燒乳豬就指住要食豬🤣🍽️ 金牌炸子雞平時去婚禮最期待嘅就係佢比較後出嘅炸子雞，因為年紀越大已經好少婚禮可以去到，一見到Menu有呢一個招牌炸子雞，即刻order咗嚟試🤤真係名不虛傳，雞皮炸到脆卜卜包住啲雞肉仲好嫩滑有雞油，外脆內軟，真係冇得輸😍🍽️ 菠蘿咕嚕肉如果配飯食就當然要叫個菠蘿咕嚕肉開胃，係我好耐冇試過嘅酸甜味，出邊嘅咕嚕肉通常都係炸粉比較多估唔到呢度嘅咕嚕肉好有驚喜，肉多嗰啲粉😍脆卜卜入口啖啖肉！新鮮菠蘿鮮甜，Lisboy食咗好多粒！🍽️ 瑤柱蛋白炒飯Lisboy最愛瑤柱蛋白炒飯，可能比較老牌嘅酒樓，所以呢個蛋白炒飯好有鑊氣，每粒飯粒粒均勻有咬口😍真係太滋味又夠飽肚！呢間酒樓真係一定要試，發現嚟親嘅呢都係老街坊，最正係唔收開瓶費，攞自己啲珍藏嚟飲幾多都得🍻最後仲有糖水送，真係圓滿嘅一餐飯！