Bella Kitchen (Closed)

下午時份，又想坐得舒服少d人食下野傾下計！朋友係銅鑼灣工作多時，緊係搵她介紹介紹！去左bella kitchen，位於渣甸中心八樓，入到去，可能係平日下午時分，真係冇乜客人，嗌左四樣食物！紅菜頭蔬果香草核桃沙律，好清新，蔬果好新鮮，有青提子好甜，核桃都好香好有咬牙！牛油果溫室青瓜甘荀米紙卷，味道好清，加左特製醬汁就好味得好！入面有青瓜絲蘿蔔絲爽口得嚟，入面嘅牛油果又有軟身嘅口感，幾好食！有機紅菜頭西蘭花蕃茄意大利飯，d米飯較有口感，都幾好食！而紅菜頭都好甜好爽口，素食者同女仔就岩晒！燒西班牙豬排骨配燒烤汁，食得多菜都要食下肉！雖然係豬，但燒得好嫩，好滑，下面有薯容，好好食，因為入晒燒豬嘅味道！食完飽晒！！呢間服務，環境，食物都吾錯，坐得又夠舒服，岩晒女仔朋友同情侶丫！