貴緣小鍋米線 (和富)

Open Now

Now Closed

話說港島終於有間似樣嘅米線啦，非常足料又抵食👍🏻米線有兩間分店，一間喺紅磡另一間喺北角，今次就去佢地北角嘅新分店試試，估唔到有幾有驚喜喎💯‼️即刻推介下比大家😆🌶️🍜招牌酸辣湯米線（$62）今次叫咗以下嘅食物🤪1️⃣雞肉絲 （$11）2️⃣鮮製魚皮餃 （$10)3️⃣豬紅 ($9)因為另一款會叫米線，所以今次試吓佢哋嘅紅薯粉😆上枱嘅時候佢嘅份量真係嚇親人🤣大大碗，全部都係雞絲😂今次叫咗酸辣湯少少辣，佢嘅湯頭偏清唔會叫太辣👍🏻因為都唔太食得辣，呢個味道就啱晒我😆 雞肉絲本身冇乜味，但係配埋酸辣湯一齊食就特別惹味😋魚皮餃食得出唔係普通街嘅大牌子，以喺自家製，一碗都有差唔多四粒大大粒好好食😍食湯麵梗係離唔開嗌豬紅啦😌佢嘅豬紅都係偏大粒，而且冇腥味、有口感👍🏻 紅薯粉軟硬度適中❗️本身酸辣湯已經會有肉碎同埋酸菜等嘅配菜，所以咁多樣餸加埋都真係好飽🤰🏻🌶️🍜秘製麻辣湯米線 （$74）叫咗以下嘅食物🤪1️⃣豬軟骨 （$11）2️⃣秘製腩肉（$11)3️⃣手打魚腐 ($11)4️⃣蘿蔔 ($9)秘制麻辣湯底，揀咗少少辣，辣味好夠，但麻味略微，可能根據個辣度以提升麻度，整體好啱初嘗麻辣嘅朋友仔。豬軟骨，每塊都大大舊，好入味，啲肉都好冧。