岳川串揚

Open Now

Now Closed

餐廳：岳川串揚地點：銅鑼灣摩理臣山道菜式：日式居酒屋餐牌：平日午市有特價午市套餐，一共有15款揀，價錢都算經濟。足料沙白湯烏冬 $108 另加一呢款足料沙白湯烏冬係限量。足有連殼沙白10隻，肉質嫩滑，唔錯。其他配料有日式魚蛋片兩片，鮮冬菇兩大隻同昆布，加上蔥花同黑白芝麻粒。烏冬非常滑溜，個湯好清，呢道菜好健康。原條蒲燒鰻魚飯 $98 另加一原條蒲燒鰻魚大大條，熱辣辣上枱，肉質彈牙，鰻魚汁夠味，面頭加上黑白芝麻粒，正！下底有青瓜絲同熱白飯，加左唔少鰻魚汁，唔會過鹹。個餐包前菜兩小碟，包括胡麻醬車厘茄同酸青瓜紅蘿蔔，好開胃。個餐都包麪豉湯，麪豉湯夠熱，味道鹹香，有好多昆布。跟餐包汽水4選1，幾抵呀。今餐兩個餐食物質素都幾好。午市都有唔少食客。