ReDivine (CAPRI Place)

Open Now

Now Closed

呢間餐廳用峇里島度假風設計咗好多打卡位餐廳，特別係藤椅同埋搖搖椅為主題既座位，啱晒鍾意打卡嘅朋友仔。同埋佢係寵物友善，大家可以同小主一齊撐枱腳。阿根廷紅蝦刺身 LangostinoSashimi $128泰式辣醬，加冬陰功嘅感覺！一共有五隻紅蝦，大大隻，肉質鮮嫩柔軟，口感好新鮮同埋清甜！有唔同嘅沙律菜、仲有有機嘅車厘茄、青瓜絲、蘿蔔絲搭配咗青檸汁！食落口酸酸地辣辣地！唔食得辣嘅朋友，記得要首先同餐廳講聲要小辣！串燒拼盤 $148雞、牛、豬 （各兩串）冬陰功雞肉、豬頸肉就係沙嗲味、牛肉就有一陣燒烤醬汁味。全部都大大串！印度烤雞 Roasted Chicken $268青瓜乳酪醬汁，佢有一種好清新嘅感覺！以為自己食緊蛋黃醬，但係就唔知點解呢食食吓呢都會覺得有一種清新感覺，唔知係咪都係低卡路里😙？藍莓芝士蛋糕 $78擺盤好靚，有一個雲呢拿嘅雪糕球。上邊仲有爆炸糖淋咗喺芝士蛋糕嘅盤上面。個藍莓芝士蛋糕呢就成個紫色好靚。有少少朱古力同埋一啲芝士蛋糕嘅質感。最開心就係食住爆炸糖，諗起細細個開心食甜品嘅感覺。