Video
Read full review
2021-08-03
2142 views
有位coffee lover朋友話K11 Musea嘅Koffee Mameya係灣仔人氣Omotesando Koffee嘅sister brand，仲提供單對單手沖咖啡體驗。Weekend心思思去walk-in碰碰運果然係failed，原來係要用K11 Musea App預約嘅~如果想睇清楚d咖啡師點手沖咖啡同交流多d，最好預約時indicate坐吧檯位置。懷着期待嘅心迎接等咗一個星期嘅reservation！我本身係咖啡嘅門外漢，徘徊係陪朋友去coffee shop飲咖啡同負責飲細佬整既手沖咖啡level，但因為coffee lover朋友介紹嘅呢個體驗認識多左手沖咖啡。一坐底咖啡師就比一張咖啡matrix card我地，了解一下我地嘅口味，想要邊款豆。Matrix 由上而下按烘焙程度區分，頂係淺焙嘅豆，沖出嚟嘅咖啡一般較酸，最底係深焙嘅豆，會苦澀d。Card上A至Y豆嘅第一行字就係咖啡豆嘅產地，Mame、Ogawa Coffee同 Tokado Coffee 都係日本咖啡豆。唔多研究嘅我之前陪朋友去飲手沖咖啡都係睇邊款個名得意，又或者形容味道嘅description 就揀。今次
懷着期待嘅心迎接等咗一個星期嘅reservation！我本身係咖啡嘅門外漢，徘徊係陪朋友去coffee shop飲咖啡同負責飲細佬整既手沖咖啡level，但因為coffee lover朋友介紹嘅呢個體驗認識多左手沖咖啡。一坐底咖啡師就比一張咖啡matrix card我地，了解一下我地嘅口味，想要邊款豆。Matrix 由上而下按烘焙程度區分，頂係淺焙嘅豆，沖出嚟嘅咖啡一般較酸，最底係深焙嘅豆，會苦澀d。Card上A至Y豆嘅第一行字就係咖啡豆嘅產地，Mame、Ogawa Coffee同 Tokado Coffee 都係日本咖啡豆。
唔多研究嘅我之前陪朋友去飲手沖咖啡都係睇邊款個名得意，又或者形容味道嘅description 就揀。今次因為多左同咖啡師交流嘅時間，所以好似發現新大陸咁知道原來唔少咖啡豆沖出嚟嘅味係沿自唔同嘅發酵方法。D款El Diamante Anaerobic 嘅 anaerobic 字面解就係無氧，anaerobic fermentation 係近年比較興嘅咖啡豆發酵方法，將二氧化碳注入裝住咖啡豆密封嘅器皿，排走氧氣，發酵嘅環境變數少d，據聞會容易d控制到品質。咖啡師話El Diamante Anaerobic沖出嚟有d似cinnamon apple pie，好得意所以我揀咗。
M 款嘅 Montes de Oro White Honey 同 R款Sumava Red Honey 都有honey個字吸引左我地，原來呢兩款豆都係用同一發酵方法，但R款烘焙深D出嚟嘅味似焦糖而M款似黄糖，最後朋友揀左M 款Montes de Oro White Honey。
揀好豆咖啡師就會去磨豆，新鮮磨出嚟嘅咖啡粉好香，我同朋友都聞到我款D嘅玉桂味！之後就睇住咖啡師好專業咁分多次注水，順時針畫圈，好治癒！
26 views
0 likes
0 comments
咖啡沖好啦！我杯El Diamante Anaerobic 聞落去真係好大陣玉桂味，入口好醇，一d都唔苦，再嗒多幾嗒就嗒到少少酸味。咖啡師仲話熱飲、室溫、同攤凍左後嘅味道會唔同，越凍酸味應該會再出。不過好好飲所以末太凍就ko 左，又或者我味蕾唔係好sensitive所以分唔出個分別😂
最後仲買咗朋友試左而我都好想試嘅M 款Montes de Oro White Honey 150g 咖啡豆利誘細佬沖手沖咖啡比我😎 咖啡師仲好細心咁寫低同講解咖啡豆建議手磨/機磨嘅組幼度、咖啡同水比例、沖製時間、手沖要決等。
成個experience好pro好舒服，又令我增長見聞，唔錯唔錯。
Post
